Fevralın 3-də Ağdam Dövlət
Dram Teatrında Mirzə Fətəli Axundovun "Hekayəti Müsyö Jordan həkimi-nəbatat və
dərviş Məstəli şah cadükuni məşhur" tamaşası nümayiş olundu. Quruluşçu
rejissoru Kərim Həsənli, rejissor assisenti- Rüstəm Həsənli olan tamaşa maraqla
qarşılandı. Tamaşanın quruluşçu rəssamı Müşfiq Qarayev, musiqi tərtibatı- Elşən
Cəfərova məxsusdur.
Teatrdan verilən məlumata
görə isə "Müsyö Jordan və Dərviş Məstəli şah" komediyası həm
məzmununa, həm də sənətkarlıq xüsusiyyətlərinə görə yeni və müasir tərzdə
hazırlanıb. Əsər öz aktuallığını bu gün də qoruyub saxlamağı bacarıb. Sözügedən komediyada yeniliklə köhnəliyin
mübarizəsi çox inandırıcı dramatik səhnələrdə təsvir edilmiş və müəllif əsərin
ideyasını böyük uğurla tamaşaçılara çatdıra bilib.
Komediya janrında olan
tamaşada rolları teatrın yaradıcı heyəti canlandırıb. Belə ki, - Müsyö Jordan-Fərhad
Fərhadzadə, Hatəmxan ağa- Cəfər Bayramov, Şəhrəbanu-Aidə Qasımova, Şərəfnisə-
Afəridə Əhmədova, Gülçöhrə-Hurşən Qurbanova, Şahbaz bəy-Hikmət Kərimoğlu,
Xanpəri-Fərqumə Yusifova,
Qulaməli-Tural Yusifov, Məstəli Şah-Kərim Həsənov ifa ediblər.
Bakı 28°C
