Bakı 23°C
“Real”la oyun üçün Mourinyodan “avtobus” istəyəcək
Klublararası dünya çempionatının yarımfinalında "Real”la qarşılaşacaq
"Əl-Cəzirə”nin baş məşqçisi Henk ten Kate fikirlərini bölüşüb.
Kaspi.az xəbər verir ki, Kate "Real”la oyuna görə "Mançester Yunayted”in
baş məşqçisi Joze Mourinyoya müraciət edəcəyini bildirib. O, Mourinyodan bir
neçə "avtobus” istəyəcəyini deyib:
"Bizə üç "avtobus” lazım olacaq. Ola bilsin ki, onlardan bir neçəsini
Mourinyodan istəyim. Realist olmaq lazımdı. Bizim qələbə qazanmaq imkanımız
olduqca azdı.
Komandalar arasında səviyyə fərqi çox böyükdür. Ancaq komandam sona
qədər mübarizə aparacaq. Futbolçularımın əlavə motivasiyaya ehtiyacı yoxdur.
Xüsusən də gənclərin. Bəzi futbolçularımız üçün bu qarşılaşma həyatlarının ən
böyük oyunu olacaq”.
"Əl-Cəzirə” - "Real” oyunu bu gün keçiriləcək.
