Portuqaliyada qalmaqal - “Benfika”nı cadugər çempion edib
Portuqaliya futbolunun nəhəngləri - "Portu” və "Benfika” arasında
qalmaqal yaşanır.
Kaspi.az xəbər verir ki, "Portu” "Benfika”nı çempionluğu təmiz
mübarizə şəraitində əldə etməməkdə ittiham edir. "Portu”da hesab edirlər ki,
"Benfika” rəhbərliyi cadugərin xidmətindən yararlanıb.
Məlumata görə, "Benfika” Qvinea-Bisaudan olan cadugər Armandu Naqiyə
müraciət edibmiş. Cadugər "Benfika”nın hər uğurlu oyununa görə haqq alırmış.
Klub çempion olduqdan sonra isə onun hesabına 100 min avro keçirilib.
Cadugər Çempionlar Liqasının qrup mərhələsində hər qələbəyə görə 10,
pley-offdakı uğura görə isə 30 min dollar irəli düşüb.
"Portu” rəhbərliyi prokurorluqdan məsələnin araşdırılmasını tələb
edir. "Benfika” tərəfi isə hələ məsələyə münasibət bildirməyib.