Bakı 16°C
Neymara bəraət verildi
Neymar artıq rahat şəkildə növbəti mövsümə hazırlaşa bilər.
Kaspi.az xəbər verir ki, "Barselona”nın futbolçusu məhkəmə
çəkişməsindən qalib ayrılıb. Məhkəmənin
qərarı ilə Neymar, atası, agenti və "Barselona”nın sabiq prezidenti Sandro
Rosel günahsız elan olunublar.
Onlar, Neymar "Santos”dan "Barsa”ya transfer olunarkən sənədləri
saxtalaşdırmaqda, vergidən yayınmaqda ittiham olunurdular. Neymarın atası
məsələyə belə münasibət bildirib:
"Biz bu qərarı böyük sevinclə qarşıladıq. İş rəsmən bağlanıb.
İttihamlar 4 il sürdü. Bu müddətdə hər birimizin ailələrində gərginlik
yaşandı”.
İnvestisiya fondu DIS Neymarın "Santos”dan "Barsa”ya keçidi zamanı
transfer qiymətinin azaldıldığını iddia edərək, tərəfləri məhkəməyə vermişdi.
Bu fond Neymarın transfer hüququnun 40 faizinə sahib idi. Fond iddia edirdi ki,
transfer qiyməti saxtalaşdırıldığı üçün az məbləğ alıblar.
