Buffon və azarkeşlər naminə qələbə
"Yuventus”un baş məşqçisi Massimiliano Alleqri Çempionlar Liqasının
yarımfinalında "Monako” ilə keçirilən cavab qarşılaşmasından (2:1) sonra
fikirlərini bildirib.
Kaspi.az xəbər verir ki, Alleqri "Monako”nun əla futbol sərgilədiyini
vurğulayıb. O, bu dəfə ÇL-in finalında qələbə qazanacaqlarına inandığını da
deyib:
"Monako”nun haqqını vermək lazımdı. Bu komanda olduqca keyfiyyətli
oyun sərgilədi. Bu istedadlı uşaqlar hər cür tərifə layiqdirlər.
İnanıram ki, bu dəfə Buffon və azarkeşlərimiz naminə finalda qalib
gələcəyik. Hazırda biz heç bir tutula sahib olmamışıq. Ona görə də sabahdan
çempionat barədə düşünəcəyik.
Mənə tərif söyləmək lazım deyil. Sadəcə, böyük həvəslə öz işimi
görürəm. Və bütün bunları heyətdə olan futbolçuların sayəsində edirəm.
Son 3 ildə ikinci dəfə finala çıxmaq asan deyil. Buna görə də
"Yuventus”un futbolçularını təbrik etmək lazımdı”.