Bakı 12°C
VTB (Azərbaycan) Easy Pay ödəniş terminalları sisteminə qoşulub
Bank VTB (Azərbaycan)-ın müştəriləri kreditlərinin EasyPay
terminalları vasitəsi ilə də ödəyə bilər. Bankdan Kaspi.az-a verilən məlumatda
bildirilir ki, bunun üçün müştərilər EasyPay terminalında Banklar bölməsində
VTB (Azərbaycan)-ı seçməlidir. Bundan sonra aşağıdakı 3 parametrdən birini
daxil etmək lazımdır:
• Müştərinin Pinkodu
• Kredit müqaviləsinin
nömrəsi
• Kredit kartının son 6
rəqəmi
Bu variantlardan biri daxil edildikdən sonra ödəniş etmək olar.
Əməliyyat başa çatdıqda müştəriyə ödənişi təsdiqləyən qəbz verilir. Kreditlər
yalnız manatla ödənilir (dollar kreditləri manat ekvivalentində ödənilir).
EasyPay terminalları üzrə ödəniş həftənin 7 günü fasiləsiz həyata
keçirilir. 17.00-dan sonra və qeyri-iş günlərində olan ödənişlər növbəti iş
günü hesaba oturulur.
Qeyd edək ki, hazırda VTB (Azərbaycan) müştəriləri kredit üzrə
ödənişlərini «Е-manat» və «Milli-Ön» terminalları və www.hesab.az, www.e-pul.az,
www.kassam.az onlayn sistemləri vasitəsi ilə həyata keçirə bilər.
Bundan başqa, VTB Online və VTB Mobile – internet və mobil bank kimi
ödəniş kanalları da müştərilərin ixtiyarındadır.
