“Ukrtransnafta” Azərbaycan neftini birjaya çıxarır
Ukraynanın neft nəqliyyat sisteminin operatoru "Ukrtransnafta”
sentyabr ərzində Kremençuq Neft Emalı Zavodunda (NEZ) saxlanılan "Azeri Light”
neftinin hamısını satmağı planlaşdırır.
Trend-in məlumatına görə, bu barədə Ukraynanın "Enkorr"
agentliyinə şirkətin baş direktorunun birinci müavini Andrey Pasişnik deyib.
Onun sözlərinə görə, hazırda Kremençuq NEZ-də 37 min ton "Azeri
Light” əmtəə nefti saxlanılır: "Səhmdarların yığıncağında verilən qərara
əsasən, bu həcmi realizə etməliyik. Sentyabr ayında bütün həcmin satışa
çıxarılması planlaşdırılır. Ona görə də hər həftə 12, 12 və 13 min ton
partiyalarla bütün məhsulu birjaya çıxarmağı planlaşdırırıq".