“Qafqaz” Konserv Zavodu istehsal müəssisəsinin qapılarını jurnalistlərin üzünə açdı - Fotolar
"Azərsun
Holdinq” iyunun 13-də "Qafqaz” Konserv Zavoduna media tur təşkil edib. Mətbuat
nümayəndələri vasitəsi ilə ictimaiyyətə məlumatların düzgün çatdırılması üçün
şirkət, istehsal müəssisəsinin qapılarını jurnalistlərin üzünə açıb. KİV
nümayəndələri istehsal müəssisəsinin bütün bölmələrində keyfiyyətə nəzarətin ən
yüksək səviyyədə təmin edilməsini əyani olaraq müşahidə ediblər. "Qafqaz”
Konserv Zavodunu ziyarət edən media mənsublarını məlumatlandıran "Azərsun
Holdinq”in rəsmisi Afiq Səfərov şirkətin fəaliyyət göstərdiyi 25 il ərzində heç
bir məhsulda ərzaq təhlükəsizliyi və gigiyena baxımından problemin
yaşanmadığını bildirib. O, bunun keyfiyyətə nəzarət sisteminin hesabına təmin
edildiyini qeyd edib.
A.Səfərov həmçinin qeyd edib ki, bu müəssisədə məhsulun
keyfiyyətinə nəzarət "Qafqaz” Konserv Zavodu ilə paralel olaraq, Mərkəzi Ofisdə
yerləşən prosesə və keyfiyyətə nəzarət direktorluğu tərəfindən həyata
keçirilir: "Prosesə və keyfiyyətə nəzarət direktorluğunun nümayəndələri zavod
rəhbərliyinə tabe deyil. Onlar birbaşa mərkəzi direktorluğa tabedir. Bu
direktorluq nə qədər qüsur tutarsa, bir o qədər gəlirləri artır. Sırf bu cür
idarəetmənin nəticəsində, maraqların toqquşması, keyfiyyət amilini meydana
çıxarır. Məhsulun keyfiyyəti bir nömrəli prioritetdir. Prosesə və keyfiyyətə
nəzarət direktorluğunun anbara daxil olmasına icazə verdiyi məhsulda, sonradan
karantin dövründə problem çıxarsa, bu dəfə onlar məsuliyyət daşıyırlar. Bu cür
yoxlama sistemi nəticəsində keyfiyyət amili tam şəkildə əhatə oluna bilir”.
Ət konservlərinin hazırlanması barədə ətraflı məlumat verən A.
Səfərov, zavodun son 8 ildə yerli istehsalçılardan ət qəbul etmədiyini
bildirib. O, ölkədə mal əti ehtiyatının o qədər də böyük olmadığını və hər ay daxili bazardan əlli ton ətin qəbul
olunacağı halda, ölkədə ətin qiymətinin sürətlə qalxacağını söyləyib. Məhz buna
görə də, yalnız xarici bazarlardan və yalnız halal sertifikatlı məhsullar qəbul
olunur. Zavod və hazırlanan məhsullar haqda məlumat verildikdən sonra gigiyenik
qaydalara riayət edilərək, jurnalistlər ətlərin saxlanıldığı soyuducu depolaradəvət olunublar. Burada media
nümayəndələrinin suallarını "Qafqaz” Konserv Zavodunun proses və keyfiyyətə
nəzarət üzrə baş inspektoru Anar Qədirov cavablandırıb vəkonserv məhsullarının istehsalı zamanı
istifadə olunan ətinzavoda dondurulmuş
şəkildə xaricdən gəldiyini qeyd edib: "Ət burada soyuq depolarda saxlanılır vəmüasir avadanlıqlarla təchiz olunan
laboratoriyada yoxlanılır. İstehsal zamanı həmin depolardakı əti mərhələlərdən
keçirərək qablaşdırıb mal əti konservinin istehsalını həyata keçiririk.
Xammalın qəbulundan hazır məhsulun çıxışına qədər olan bütün mərhələlərdə
keyfiyyətə nəzarət bölməsi tərəfindən yoxlamalar aparılır. Hansısa mərhələdə
problem yaranarsa, istehsalı dayandırırıq. 4 otaqlı laboratoriyada həm fiziki,
həm kimyəvi mikrobioloji analizlər aparılır. Zavoda daxil olan xammaldan nümunə
götürülür və laboratoriyada analiz edilir. Yalnız bundan sonra həmin xammal
istehsala buraxılır.”
Media tur çərçivəsində, jurnalistlər istehsal prosesini izləməklə
yanaşı, ətin saxlanma şəraiti, konservlərin istehsalı və qablaşdırılması
prosesini izləyib, müasir texnoloji avadanlıqlar və laboratoriya ilə yaxından
tanış oldular. Media turun nəticəsi olaraq keyfiyyətsiz ət qəbulu ilə bağlı "Qafqaz”
Konserv Zavodu barədə yayılan məlumatların şayiə, iftira və müəssisədə çalışan
yüzlərlə yerli sakinin əməyinə qarşı hörmətsizlik olduğu sübut olundu.
Günel
Azadə