"Bakcell və "SOS Uşaq Kəndləri” arasında əməkdaşlıq uzun illər öncə
başlayıb. Sevindirici haldır ki, bu əməkdaşlıq davamlı xarakter daşıyıb və
artıq gənclərə öz bizneslərini qurmağa dəstək göstərmək mərhələsinə çatıb”. Azərbaycanın
İlk Mobil Operatoru və Aparıcı Mobil İnternet Provayderi Bakcell şirkətinin
"SOS Uşaq Kəndləri-Azərbaycan” Assosiasiyası İctimai Birliyi ilə həyata
keçirdiyi yeni layihə də şirkətin növbəti
xeyriyyə addımını nümayiş etdirdi. Belə ki, şirkətin "SOS Uşaq Kəndləri-Azərbaycan”
Assosiasiyası İctimai Birliyinin himayəsində böyümüş və digər internat müəssisələrindən
məzun olmuş gənclərin biznes ideyalarını reallaşdırmaq üçün ayırdığı maliyyə vəsaiti
üç gəncin sevincinə səbəb oldu. Bu vəsaitlə öz kiçik bizneslərini qurmaq imkanı
əldə edən gənclər "Bakcell”in dəstəyilə
"SOS Uşaq Kəndləri-Azərbaycan” Assosiasiyası tərəfindən icra edilən "Gənclərin
Karyera və İnkişaf Mərkəzi” layihəsinin benefisiarlarıdır.
Qeyd edildi ki, Bakcell şirkəti 2009-cu ildən etibarən "SOS Uşaq Kəndləri-Azərbaycan”
Assosiasiyası İB ilə əməkdaşlıq çərçivəsində valideyn himayəsindən məhrum olmuş
və aztəminatlı ailələrdən olan uşaq və gənclərə öz dəstəyini göstərir.
Yeni layihənin ötən il həyata keçirilən birinci mərhələsində 15 gənc
"Öz biznesinə başla və təkmilləşdir” adlı təlimlərdə iştirak edib. Onlardan 6 nəfəri
öz ideyalarının biznes planını hazırlayıb. Layihələr "Bakcell”in, "SOS Uşaq Kəndləri-Azərbaycan”
Assosiasiyasının və Beynəlxalq Əmək Təşkilatının (BƏT) ekspertlərindən ibarət
Qiymətləndirmə Komissiyası tərəfindən qiymətləndirib. Ən yüksək nəticələr
nümayiş etdirən 3 uğurlu biznes layihəsinin Bakcell şirkəti tərəfindən maliyyələşdirilməsi
qərara alınıb. Bunlar "Floristika” gül
dükanı, "Şirniyyat evi" və "Çay evi" layihələridir.
Məlumat verildi ki, qalib gənclərdən Vüsal Məmmədov gül mağazasında
köməkçi işləyib. 7 ildir, işçi kimi gül biznesi ilə məşğuldur. Hazırda öz gül
mağazasını açmağa iddialıdır. Biznes planı mükəmməl hazırlanıb.
Mehri Yolbaşova bir neçə ildir ki, şirniyyatçı yanında köməkçi işləyir.
Əksər qənnadı məhsullarını sərbəst
hazırlamağı bacarır.
Seymur Kazımlı bir müddət çay evində çayçı və ofisiant işləyib. İşin
detallarına bələddir. Biznes detalları düzgün tərtib edilib.
Gənclərin biznes planlarının hazırlanmasına mütəxəssislər tərəfindən
dəstək göstərilib. Qiymətləndirmə zamanı
biznes planın hazırlanması, ideyanın
real bazar şərtlərində özünü doğrultma
imkanları, müraciət edən şəxsin təcrübəsi
və sosial vəziyyəti və. s kimi meyarlar əsas
götürülüb.
"Biznes mühitinin içində, işgüzar həyata baş qarışdığından çox vaxt
real problemlərdən uzaq düşürük" - deyən
Bakcell şirkətinin baş icraçı direktoru Nikolai Beckers bu tip layihələrin
böyük mənasının olduğunu bildirdi: "Bu
cür layihələrdə iştirak edəndə çox xoş oluruq. Bakcell şirkəti uzun illərdir ki, öz Korporativ Sosial Məsuliyyət
proqramı vasitəsilə xüsusi qayğıya ehtiyacı olan uşaqlara dəstək göstərir.
Onların təhsili, bacarıqlarının artırılması, gələcəkdə iş qura bilmə qabiliyyətlərinin
olması çox vacibdir”. N.Beckers gənclərin biznes sahəsində uğur qazanmaq istəklərini
yüksək dəyərləndirdi: "İstənilən işlə məşğul olmaq üçün israrlı olmaq lazımdır.
İsrar varsa, demək uğur da olacaq”. N.Beckers gənclərə səslənərək "Həyatda hər
hansı işdə uğursuzluğa düçar olanda heç vaxt inamınızı itirməyin, yenidən cəhd
edin, onda uğur sizinlə olacaq!”
Dövlət Məşğulluq Xidmətinin sektor
müdiri Kamran Həsənov dövlətin
sosialyönümlü siyasətinin gənclər üçün geniş imkanlar açdığını bildirdi:
"Sevindirici haldır ki, Bakcell şirkəti biznesini qurmaq istəyən gənclərə dəstək
göstərib. Bu, dövlətin əhalinin həssas qruplarına göstərdiyi siyasətə dəstəkdir.
Bu tip layihələrin genişlənməsinə və davamlı olmasına ehtiyac var”.
SOS Uşaq Kəndləri-Azərbaycan”
Assosiasiyasının proqram əməkdaşı Cavid İmamoğlu "SOS Uşaq Kəndləri-Azərbaycan” Assosiasiyası Bakcell şirkətinin
maliyyə dəstəyi ilə Bakı şəhərində "Gənclərin Karyera və İnkişaf Mərkəzi” adlı
layihəni 2016-cı ilin yanvar ayından etibarən həyata keçirdiyini bildirdi: "Bu
layihə çərçivəsində onlarla gənc bütün lazımi avadanlıqlarla təchiz edilmiş mərkəzdə
müsahibə qabiliyyətləri, CV yazmaq, karyera istiqamətləndirilməsi,
mühasibatlıq, "Əmək bazarının və peşəkar oriyentasiyanın aktiv üzvü olmaq üçün əsas
bacarıqlar” və digər təlimlərdən faydalanıblar. Təlim zamanı gənclər karyera
planlaşdırılması, vakant iş yerlərinin tapılması və işəgötürənlərlə əlaqələrin
qurulması, İKT bacarıqları və məşğulluq imkanları əldə etmək üçün tələb olunan
ilkin İT biliklər və bacarıqlar əldə ediblər. "Öz biznesinə başla və təkmilləşdir”
təlimləri BƏT-nin beynəlxalq master təlimçisi və eksperti tərəfindən həyata
keçirilir”. C.İmamoğlu bu tip layihələrin həyata keçirilməsinin əməkdaşı olduğu
qurumun əsas hədəflərindən olduğunu qeyd etdi: "Bacarıqlı gənclərin həyatda yer
tutmaları, öz ideyalarını gerçəkləşdirmək üçün bu layihə çox əhəmiyyətlidir”.
Gələcəkdə gənclərə yönəli layihələrə, onların biznes planlarına daha
çox dəstək olunacağı qeyd edildi.
Bakı 12°C
