Xatun “Boşanmalıyıq” deyir

Müğənni Xatun Əliyeva “Boşanmalıyıq” adlı yeni mahnı yazdırıb. “Kaspi”-yə bu haqda məlumat verən ifaçının prodüseri Səbuhi Arifin sözlərinə görə, mahnı lirik üslubdadır: “Sözügedən mahnıya yaxın zamanlarda klip çəkiləcək. Artıq klip üçün rejissorlarla danışıqlar gedir. Xatun təkcə bu mahnını ifa etməklə kifayətlənməyəcək. O, hazırda bir neçə mahnı üzərində işləyir. Yaxın zaman ərzində həmin mahnıları da tamaşaçılarına təqdim edəcək. Xatun xanım boş dayanmağı sevmir, o daima öz üzərində işləyir və yeniliklər axtarır. Məhz bu səbəbdəndir ki, o daima olaraq repertuarını yeniləyir. Maraqlı ifaları ilə insanların qəlbinə yol tapmağı bacarır”.
Qeyd edək ki, “Boşanmalıyıq” mahnısının musiqisi Ruslan Səfəroğluya, sözləri isə Elçin Məhərrəmova aiddir.
Xəyalə