AZƏRBAYCANDA KORONAVIRUSLA BAĞLI XƏBƏRLƏR

“ABŞ-ın danışıqlarla bağlı çağırışları sadəcə söz naminədir”

“ABŞ-ın danışıqlarla bağlı çağırışları sadəcə söz naminədir”

Siyasət
24 İyun 2020, 16:00 220
İran Prezidenti Həsən Ruhani müəyyən şərtlərlə rəsmi Tehranın Vaşinqtonla danışıqlara başlaya biləcəyini deyib. 
APA-nın "Reuters"ə istinadən verdiyi xəbərə görə, Həsən Ruhani bu barədə televiziyada çıxışı zamanı bildirib. 
"Vaşinqton üzr istəyib nüvə sazişinə dair öhdəliklərini yerinə yetirərsə və 2015-ci il müqaviləsindən çıxmasına görə Tehrana kompensasiya ödəyərsə, o zaman ABŞ-la danışıqlar aparmaqla bağlı heç bir problemimiz qalmaz”, - deyə H. Ruhani qeyd edib.
İran Prezidenti vurğulayıb ki, ABŞ-ın Tehrana danışıqlarla bağlı çağırışları sadəcə söz naminədir və yalandır. 
Xatırladaq ki, ABŞ Prezidenti Donald Tramp 2018-ci ildə İranın nüvə proqramı ilə bağlı Hərtərəfli Birgə Fəaliyyət Planından çıxıb və İrana qarşı yenidən sanksiyalar tətbiq edib.