"Global Media Group"un əməkdaşları təltif edilib

Müdafiə naziri general-polkovnik Zakir Həsənovun əmri ilə "Global Media Group"a daxil olan "Report" İnformasiya Agentliyi,  Oxu.Az informasiya portalı,  PhotoStock.az və Baku TV-nin bir qrup əməkdaşı təltif olunublar.

Bir qrup jurnalist ordu quruculuğu sahəsində aparılan uğurlu islahatların ictimaiyyətə çatdırılması, hərbi-vətənpərvərliyin təbliği və dezinformasiyalara qarşı mübarizədə Müdafiə Nazirliyi ilə birgə əməkdaşlıqlarına görə döş nişanı və fəxri fərmanla mükafatlandırılıblar.

Təltifləri nazirliyin Şəxsi Heyət Baş İdarəsinin rəisi general-mayor Müşfiq Məmmədov təqdim edib.

"Report" - Səlcuq Elçin, Nəcməddin Quluzadə, Vüqar Xanlarov, 

Oxu.Az - Mərahim Nəsib

Baku TV - Nərmin Muradova, Həzrət Bayramlı

PhotoStock.az - Tapdıq Abdullayev, Rüfət Mikayılov