“Yeni Üfüq” islam həmrəyliyi ilə bağlı Salyanda tədbir keçirdi
"Yeni Üfüq” Mənəvi İrsin Təbliği İctimai Birliyi ölkə boyunca
"İslam Həmrəyliyi – Azərbaycan nümunəsi” adlı silsilə tədbirlərini uğurla
davam etdirir. Birlikdən verilən məlumata
görə, "Yeni Üfüq” layihə çərçivəsində növbəti tədbirini Salyan rayonu Mərkəzi Şəhər Kitabxanasında keçirib.
Tədbirin əhəmiyyəti barədə danışan təşkilatın sədri Sevinc Əzimbəyli
bildirib ki, Azərbaycan Respublikasının Prezidenti İlham Əliyevin 2017–cı ili
ölkəmizdə "İslam Həmrəyliyi İli” elan etməsi tarixi milli və mənəvi
ənənələrin birbaşa dövlət başçısı tərəfindən himayə olunmasının bir daha
sübutudur: "Vətənimizdə İslam həmrəyliyinin qorunması ölkədə sabitliyin və
əmin-amanlığın davamlı zəmanətidir. Unutmamalıyıq ki, həmrəylik mədəniyyətlərin
və sivilizasiyaların dialoqunun ən yüksək zirvəsidir”.
Qarabağ Seyid Ocaqlarının rəhbəri, şərqşünas Seyid Camal Əzimbəyli
tədbirdə çıxış edərək Prezident İlham Əliyev tərəfindən 2017-ci ilin
"İslam Həmrəyliyi İli” elan edilməsini dünyaya Azərbaycanın növbəti sülh
mesajı olduğunu deyib: "Müsəlman ölkələrində məzhəblərarası münasibətlərin
qızışdırıldığı bir vaxtda Azərbaycanda mövcud olan tarixi İslam həmrəylinin dövlətimiz
tərəfindən mühafizə olunması hər birimizin əmin-amanlığının əbədi
qarantiyasıdır. İşğal altında olan doğma torpaqlarımızın tezliklə azadlığı da
dini və milli həmrəylimizin mühafizəsinin ən başlıca prinsiplərindən biridir”.
Tədbirdə Salyan rayon İcra Hakimiyyətinin nümayəndəsi Sevinc
Səmədova, Dini Qurumlarla İş üzrə Dövlət Komitəsinin Salyan şöbəsinin müdiri
Azər Sadıqov, YAP-ın Salyan təşkilatının aparat rəhbəri Mirzə Mirzəyev, "Əlillər
Cəmiyyəti”nin sədri Elman Hacıyev, "Qələbə” qəzetinin redaktoru Rüstəm Məlikov,
ictimaiyyət nümayəndələri və gənclər iştirak ediblər.