Nazirlər Kabinetinin strukturundakı dəyişikliklər idarəetmədə çevikliyi təmin edəcək
Prezident İlham Əliyevinrəhbərliyiiləyenisituasiyaya
və çağırışlara uyğun olaraq son vaxtlar həyata keçirilən struktur islahatları
idarəetmə sistemində paralelliyin və təkrarın aradan qaldırılmasına,
təkmilləşməyə, dinamikliyə, mobilliyə, daha çevik, operativ idarəçilik
mexanizminin formalaşmasına xidmət edir. İdarəetmə sistemi və icra mexanizmi
sahələrində həyata keçirilən bu mühüm islahatlar qarşıya qoyulan məqsədlərə
dahateznail olmaq üçün atılan zəruri və məqsədyönlü
addımlardır. Struktur islahatlarına xüsusi diqqət yetirən dövlət başçısı İlham
Əliyev çıxışlarında dəfələrlə qeyd edib ki, bu islahatların aparılmasına
ehtiyac var. Ümumiyyətlə, daha çevik, operativ idarəetmə mexanizmi
işlənməlidir.
AZƏRTAC xəbər verir ki, 2016-cı il sentyabrın 26-da
keçirilən ümumxalq səsverməsində (referendumda) Konstitusiyada edilməsi nəzərdə
tutulan dəyişikliklərin müzakirəsi zamanı qəbul olunacağı təqdirdə həmin
dəyişikliklərin Nazirlər Kabinetinin fəaliyyətinin təkmilləşdirilməsində də
mühüm rol oynayacağıilə bağlı
fikirlər səsləndirilmişdi.
Nazirlər Kabineti bu vaxta qədərsabiq Baş nazir Surət Hüseynovun 1994-cü ildə təsdiq
etdiyi Müvəqqəti Reqlament əsasında fəaliyyət göstərirdi. Qeyd edilən fərmanda
Prezidentin verdiyi tapşırıqdan sonra "Azərbaycan Respublikası Nazirlər
Kabinetinin iş qaydası” və "Azərbaycan Respublikası Nazirlər Kabinetinin
Aparatı haqqında Əsasnamə” layihələri qısa müddətdə hazırlandı və 2017-ciil 10 oktyabr tarixli Fərmanla təsdiq edildi.
Bu sənədlər
Nazirlər Kabinetinin fəaliyyətinin təkmilləşdirilməsi, operativliyinin təmin
edilməsi və səmərəliliyinin yüksəldilməsi məqsədilə qəbul olunub. Nazirlər Kabinetinin
kollegial orqan olduğu nəzərə alınaraq, Qaydada Nazirlər Kabinetinin iclaslarının
planlaşdırılması, hazırlanması və keçirilməsinə xüsusi diqqət ayrılıb.
"Azərbaycan Respublikası Nazirlər
Kabinetinin Aparatı haqqında Əsasnamə”də isə Aparatın fəaliyyət istiqamətinin
müvafiq səlahiyyətlərin Nazirlər Kabineti tərəfindən həyata keçirilməsinin
təşkil və təmin edilməsindən ibarət olduğu müəyyənləşib, həmçinin Aparatın
vəzifələri, hüquqları və fəaliyyətinin təşkiliilə bağlı digər
məsələlər öz əksini tapıb.
Büdcəyə qənaət
ediləcək
Milli Məclisin İqtisadi
siyasət, sənaye və sahibkarlıq komitəsinin
üzvü Aydın Hüseynov "Kaspi” qəzetinə
açıqlamasında fərmana qədər Nazirlər Kabinetində bir-birinin işini təkrar edən
strukturların olduğunu deyib: "Keçən il
Konstitusiyamızda dəyişiklik edildi və ona uyğun olaraq Nazirlər
Kabinetinin tərkibinin formalaşdırılması işi gedir. Bir-birini təkrar edən
strukturların aradan qaldırılması ümumiyyətlə idarəçilikdə və bu sistemin daha
da effektli, həmçinin çevik olmasında çox önəmli bir addımdır. Və biz də
görürdük ki, həqiqətən Nazirlər Kabinetinin müvafiq strukturları bir-birinin
işini təkrar edir. Dəyişiklik isə işin operativləşməsinə və ümumiyyətlə,
təkmilləşməsinə səbəb olacaq. Nazirlər Kabineti icraedici orqandır. Və
icraedici orqanda struktur nə qədər mükəmməl və kompakt olarsa, onun fəaliyyəti
daha da mükəmməlləşib, optimallaşar. Bu da ümumi proseslərə müsbət təsir
göstərəcək”.
Müsahibimiz edilən dəyişikliyin iqtisadi baxımdan da müəyyən
effektlər verəcəyini deyir: "Əgər məsələyə ümumi yanaşsaq onu deyə bilərəm ki,
əlbəttə büdcə vəsaitinə qənaət ediləcək. Yəni ştatda azalmalar baş verirsə,
deməli, maliyyə baxımından müəyyən bir səmərə olacaq. Amma məsələyə geniş
prizmadan baxsaq, burada təkcə Nazirlər Kabinetinin aparatındakı qənaətdən
söhbət getmir. Ümumiyyətlə, Nazirlər Kabineti ölkədə əsas aparıcı orqan olduğu
üçün edilən dəyişiklik ölkə iqtisadiyyatının da inkişafına böyük təkan verəcək,
Azərbaycanda gedən iqtisadi proseslərə müsbət təsir göstərəcəkdir”.
Daha
çevik hökumət qurulur
Millət
vəkili Vahid Əhmədov APA-ya açıqlamasında
bildirib ki, dövlət başçısı Prezident Administrasiyasında islahatlar aparıb,
prezidentin köməkçiləri institutu yaradılıb, müəyyən şöbələr ləğv edilib:
"İkinci mərhələdə Nazirlər Kabinetinin strukturu dəyişdirildi. Azərbaycan
prezidentinin 2017-ci il 23 avqust tarixli fərmanı iləNazirlər
KabinetiAparatının yeni strukturu təsdiq edildi və Aparatın işçilərinin
say həddi (İşlər idarəsi istisna olmaqla) 280 ştat vahidindən 200 ştat vahidinə
endirildi, ixtisarlar aparıldı. Mövcud olan 11 şöbənin birləşdirilməsi
nəticəsində 5 yeni şöbə yaradıldı. Həmçinin bir sıra şöbələrin adları
dəyişdirilməklə fəaliyyət istiqamətləri təkmilləşdirildi”.
V. Əhmədov bunun çox əhəmiyyətli bir
addım olduğunu vurğulayıb: "Bu, çox əhəmiyyətli bir addım idi. Çünki Nazirlər
Kabinetinin strukturu sovet vaxtından qalmış, o siyasi, iqtisadi sistemə
uyğunlaşdırılmış struktur idi.Nazirlər Kabinetibu vaxta qədər
1994-cü ildə təsdiq edilən Müvəqqəti Reqlament əsasında fəaliyyət göstərirdi.
Halbuki indi daha çevik bir hökumətə ehtiyac var idi ki, prezident tərəfindən
təqdim edilən iqtisadi islahatları keçirə bilsin. Struktur islahatları həyata
keçirilməklə daha çevik hökumət quruldu ki, bu da Azərbaycanda iqtisadi
islahatları aparmaq üçün normal şərait yaratmağa yönəldilib. Düzdür, müəyyən
struktur islahatları sona çatdırılmayıb, hələ müəyyən işlər görüləcək, amma
aparılan işlər bizi qane edir və islahatlar davam etdiriləcək. Azərbaycanda
Nazirlər Kabinetinin strukturunun təkmilləşdirilməsi Azərbaycanda aparılan
iqtisadi islahatların faktiki olaraq tərkib hissəsidir”.
Struktur dəyişikliyinin müsbət nəticələri olacaq
İqtisadçı
Vüqar Bayramov da düşünür ki, edilən
struktur dəyişikliyinin müsbət nəticələri olacaq: "Pos- neft dövründə iqtisadi
islahatlarla yanaşı, struktur islahatlarının da aparılması çox vacibdir. Bu
kimi islahatlar həm qərarların qəbul edilməsinin çevikliyini, həm də daha mobil
idarəetmə sisteminin formalaşmasını təmin edəcək. Son referendumdan sonra struktur dəyişikliyi gündəmdə idi. Nazirlər
Kabinetinin strukturunun dəyişilməsi və müasir çağırışlara uyğunlaşdırılması,
bütövlükdə idarəetmə aparatında yeni struktur modelinin formalaşması əsas
hədəflər sırasındadır. Güman edirəm ki, Nazirlər Kabinetinin strukturunda
aparılan dəyişiklər idarəetmədə çevikliyin təmin edilməsinə imkan verəcək.
Nəzərə alsaq ki, əvvəlki dövrlərdə də aparılan islahatlar qərarların daha tez verilməsinə, eyni zamanda
əlaqələndirilmiş sistemli qərarların qəbul edilməsinə və onların icrasına nəzarət baxımından vacib idi. Nəticə etibarilə
müəyyən şöbələrin birləşdirilməsi yeni qaydaların tətbiq edilməsinə səbəb oldu
ki, bu da birmənalı şəkildə Nazirlər Kabinetinin fəaliyyətinin səmərəliliyinin artırması
baxımından vacibdir. Edilən struktur dəyişikliyi o cümlədən iqtisadiyyata müsbət
təsir göstərəcək. Nazirlər Kabineti ölkədə gedən iqtisadi proseslərə təsir
imkanlarını qoruyub saxlayan qurumdur. Əsas maliyyə sənədləri Nazirlər
Kabinetində müzakirə olunduqdan sonra digər üst qurumlara təqdim olunur. Bu baxımdan deyə bilərəm ki, Nazirlər
Kabineti iqtisadiyyat sahəsində aparıcı
qurumlardan biridir. Yeni strukturun formalaşması və stasionar qaydaların
tətbiq edilməsi nəticəsində Nazirlər Kabineti daha təkmil şəkildə fəaliyyət
göstərəcək. Bu da təbii ki, iqtisadi inkişafa təkan verəcək. Bu dəyişiklik
iqtisadi sahə ilə yanaşı, bütövlükdə idarəetmə sistemində və cəmiyyətdə
yeni islahatların aparılması istiqamətində zəmin formalaşdırır. Bu pos-neft dövrünün tələblərinə uyğun sistemin
və təbii ki, ölkənin inkişafına əhəmiyyətli təsir edəcək”.
Günel Azadə