Göyçay və Ağdaşda alimlərin mühazirələri təşkil olundu
Azərbaycan
Respublikasının Prezidenti yanında Bilik Fondu "İslam Həmrəyliyi İli" çərçivəsində
müxtəlif bölgələrin orta ixtisas, peşə və
ali təhsil müəssisələrində, ictimai xadimlərin mühazirələrini, görüşlərini təşkil
edir.
Oktyabrın
10-da Göyçay Dövlət İdarəetmə və
Texnologiya Kollecində AMEA Folklor İnstitutunun aparıcı elmi işçisi,
filologiya üzrə fəlsəfə doktoru Atəş Əhmədlinin təhsil ocağınıın kollektivi ilə
görüşü olub.
Tədbiri
Kollecin direktoru Xəlil Orucov açaraq, ölkənin uğurla aparılan daxili və
xarici siyasətinin mahiyyəti barədə dolğun məlumat almaları üçün müəllim və tələbələrin
belə görüşlərə ehtiyacı olduğunu bildirib.
Bilik
Fondunun Göyçay rayon nümayəndəsi, Ləkçıplaq kənd 1 nömrəli tam orta məktəbinin
direktoru Sevda Vəliyeva Fondun maarifləndirici fəaliyyətindən danışıb,
kollecin kollektivi ilə gələcək əməkdaşlığın perspektivlərindən söz açıb.
Çıxışlardan
sonra A.Əhmədli "Azərbaycan folklorunda
dini həmrəylik motivləri” mövzusunda mühazirə söyləyib. Fərqli din və dil
daşıyıcılarının tarixən Azərbaycanda sülh şəraitində yaşadıqlarına diqqət çəkən
alim tolerant həyat tərzinin ədəbiyyatda, xüsusən folklor janrında geniş şəkildə
əksini tapdığını deyib.
Oktyabrın
11-də Ağdaş Peşə Məktəbində AMEA Folklor İnstitutunun şöbə müdiri, filologiya
üzrə fəlsəfə doktoru Ağaverdi Xəlilovun
"Gənclərin dini, mili-mənəvi dəyərlərə sədaqət ruhunda tərbiyəsi Azərbaycan
dövlətinin siyasətində” mövzusunda mühazirəsi təşkil olunub.
İcra strukturlarının
təmsilçiləri, ziyalılar, ictimaiyyət nümayəndələrinin iştirakı ilə keçirilən tədbirdə
Ağdaş Rayon İcra Hakimiyyətnin
İctimai-siyasi və humanitar məsələlər şöbəsinimüdirmüavini Səbuhi
Musayev çıxış edərək, gənclərin milli-mənəvi dəyərlərə bağlı olmalarının
vacibliyini önə çəkib, rayon rəhbərliyinin
bu istiqamətdə gördüyü işləri xatırladıb.
Ağdaş
Peşə Məktəbinin müdiri Əlican Nəsibov tələbələrə peşə sirləri ilə yanaşı, dövlətə,
dövlətçiliyə, dəyərlərə sədaqət ruhu aşılamağın onların həyatında müsbət dəyişikliklərə
yol açacağını vurğulayıb.
Sonra
AMEA Folklor İnstitutunun şöbə müdiri
A.Xəlilov mühazirə söyləyib. Mühazirəçi gənclərin dini, mili-mənəvi dəyərlərə
sədaqət ruhunda tərbiyəsinə həm dövlət, həm də cəmiyyət tərəfindən böyük önəm verildiyini
bildirib. Dövlətin gənclər siyasətinin mahiyyətindən danışan alim xalqın milli-mənəvi dəyərlərə söykənərək ucaldığını
deyib.
Tədbirlər
çərçivəsində Dini Qurumlarla İş üzrə Dövlət Komitəsinin tövsiyəsi nəzərə
alınmaqlaAğdaş şəhər Hacı İsmayıl məscidinə, Göyçay şəhər Əbülfəzl Abbas
məscidinə, Göyçay şəhər Mərkəz məscidinə Azərbaycan Respublikasının Prezidenti
İlham Əliyevin sərəncamları ilə nəşr olunmuş elmi, ədəbi-bədii, dini kitablar hədiyyə
olunub.
Bilik
Fondunun Ağdaş rayon nümayəndəsi Saffar Əzməmmədovun
müşayəti ilə Fondun Ölkədaxili layihələr
sektorunun müdiri Hacı Abdulla Ağdaş şəhər 9 saylı ümumi orta məktəbin müəllim
və şagirdləri qarşısında "Bilik Fondu və Azərbaycan cəmiyyətinin maariflənməsi”,
Göyçay şəhər Əbülfəzl Abbas məscidində "Vəhdət namazı: islam birliyi və həmrəyliyinin
Azərbaycan nümunəsi” və Göyçaydakı "AzNar” QSC-də "Dövlət Müstəqilliyimiz - ən
böyük milli sərvətimizdir” mövzudamühazirələr deyib.