Gəncə-Moskva aviareysi məcburi eniş etdi

Gəncə-Moskva reysi ilə uçan Azərbaycan vətəndaşı Nemət Nəsir oğlu Nəsibovun səhhəti təyyarədə qəfil pisləşib, bu səbəbdən təyyarə Mahaçqala aeroportunda məcburi eniş edib.
Hava limanına təcili yardım çağırılıb, xəstəyə ilkin yardım göstərilib və o Kaspiysk şəhər xəstəxanasına yerləşdirilib. Həkimlərin köməyi sayəsində xəstənin durumu normallaşıb. O Mahaçqala aeroportuna gələrək ona yardım göstərmiş şəxslərə təşəkkür edib və təyyarə ilə Moskvaya uçub.