• çərşənbə axşamı, 23 aprel, 16:07
  • Baku Bakı 24°C

“Azəriqaz”a daxil olan müraciətlər azalıb

17.02.24 00:05 3233
“Azəriqaz”a daxil olan müraciətlər azalıb

Bu ilin yanvar ayından indiyə qədər Azərbaycan Dövlət Neft Şirkətinin (SOCAR) “Azəriqaz” İstehsalat Birliyinə 123 349 müraciət daxil olub.

“Report” xəbər verir ki, bunu İstehsalat Birliyinin 104 Qəza-çağrı xidməti şöbəsinin rəisi Xalidə Şimşək fevralın 16-da qurumda keçirilən “Açıq qapı” aksiyası zamanı bildirib. Onun sözlərinə görə, daxil olan müraciətlərin sayı ötən ilin eyni dövrü ilə müqayisədə 6 826 müraciət azalıb.
X.Şimşək bildirib ki, bu il ötən ilin eyni dövrü ilə müqayisədə 507 az müraciət qaz təzyiqinin aşağı olması ilə bağlı olub: “Bu müddətdə daxil olan müraciətlərin arasında sayğaclarla bağlı müraciətlərin sayında 454 ədəd azalma var: “Bu il daxil olan müraciətlər arasında sızma ilə bağlı müraciətlərin sayı 363 ədəd azalıb”.

X.Şimşək vurğulayıb ki, müraciətlərin azalmasına səbəb bu müddət ərzində aparılan maarifləndirmə, yenidənqurma işləri olub: “Aparılan yenidənqurma və bərpa, həmçinin sayğacların dəyişdirilməsi işləri sayəsində qaz təzyiqi və sayğacların istismarı ilə bağlı müraciətlərin sayı azalıb”.

 

banner

Oxşar Xəbərlər