• cümə, 29 Mart, 13:51
  • Baku Bakı 14°C

Azərbaycan Tennis Federasiyası rusiyalı idmançının təxribatına münasibət bildirib

21.01.23 12:15 653
Azərbaycan Tennis Federasiyası rusiyalı idmançının təxribatına münasibət bildirib

Azərbaycan Tennis Federasiyası (ATF) Beynəlxalq Tennis Federasiyasına məktub göndərib.

Qurumdan Kaspi.az-a verilən məlumata görə, məktubda bildirilib:

"Böyük Dəbilqə" seriyalı "Australian Open" tennis turnirində xoşagəlməz hadisə baş verib. 20 yanvar tarixində kişilərin yarışında 1/16 final oyununa çıxan erməni əsilli Rusiya təmsilçisi Karen Xaçanov etdiyi mənfur hərəkətlə diqqət çəkib. Belə ki, Xaçanov Amerika Birləşmiş Ştatlarından olan rəqibi Frensis Tiafonu 3:1 hesabı ilə məğlub etdikdən sonra qələbə sevinci adı ilə kameraya ürək sözlərini yazıb. O, obyektivin üzərinə "Artsakh stay strong", yəni "Artsax, möhkəm ol" sözlərini qeyd edib. Əslində, tennisçilər üçün kameranın obyektivi üzərinə qələbə sevinci ilə bağlı öz ürək sözlərini yazmaq adət halını alsa da, Xaçanov bundan öz məkrli planını həyata keçirmək üçün istifadə edib.

Məktubda ölkəmizə qarşı yönəlmiş təxribatla bağlı faktlar və hüquqi sənədlər təqdim olunub. Azərbaycan Tennis Federasiyası olaraq bu hadisəni pisləyir və bir daha belə halın yaşanmaması üçün həmin tennisçinin cəzalanması, həmçinin gələcəkdə də bu cür hadisələrin olmaması üçün sözügedən qurumdan daha sərt tədbirlərin görülməsi tələb olunub. Ümid edirik ki, tez bir zamanda məsələ obyektiv həllini tapacaq".

banner

Oxşar Xəbərlər