• cümə, 29 Mart, 03:49
  • Baku Bakı 7°C

Azərbaycan cüdosunun tarixi nəticəsində əsas pay sahibi - Portret

13.06.20 10:00 10611
Azərbaycan cüdosunun tarixi nəticəsində əsas pay sahibi - Portret
Dünya çempionatının ikiqat gümüş mükafatçısı Kamran Süleymanov: "Özüm də finala çıxacağıma inanmırdım"
Çox məşhur, hamının həyatında dəfələrlə eşidib dilə gətirdiyi bir deyim var: "Sağlam bədəndə sağlam ruh olar". Doğrudur, bir çox deyimlər kimi, bu da bütün hallarda reallıqda əksini tapmır; fiziki sağlamlıq bəzən mənəvi zənginlik üçün kifayət etmir. Ancaq istənilən halda, idman və bədən tərbiyəsi ilə məşğul olmağın insan həyatına, ümumən isə cəmiyyətin möhkəm təməl üzərində inkişafına təsiri danılmazdır. Odur ki, hər bir fərd, həyatının ilk mərhələlərindən etibarən, idmanın açdığı imkanlardan yararlanmalı, maksimum sağlam həyat tərzinə sövq edilməlidir.

Uşaq idmanı, ümumiyyətlə, bir nömrəli prioritetdir. Təsadüfi deyil ki, bir idman növünün ölkədəki durumundan danışarkən, öncə müvafiq uşaq məktəblərinin hansı səviyyədə olduğuna diqqət yetirilir. Azərbaycanda uşaq, yeniyetmə və gənclər arasında getdikcə populyarlaşan növlərdən biri, bəlkə də, birincisi cüdodur. XIX əsrin 80-ci illərində Yaponiyada yaranmış, məşhur ictimai xadim Ciqoro Kanonun adı ilə bağlı olan bu döyüş sənəti ölkəmizdə ən kütləvi dövrünü yaşayır desək, daha əvvəlki illərin haqqını yeməyəcəyimizdən əminik. Ötən ilin sentyabrında Qazaxıstanda keçirilən yeniyetmə cüdoçular arasında dünya çempionatında yazılmış tarix - komanda şəklində gümüş medal buna əsaslı nümunədir. Bunadək isə 18 yaşadək cüdoçularımız fərdi proqramı iki mükafatla başa vurmuşdular. Beləliklə, Azərbaycan cüdosunda ilk belə uğurun əsas pay sahibi, ümumiyyətlə, sözügedən mundialın ən yaxşısı olan Kamran, bugünkü "Portret" qəhrəmanımızdır.



banner

Oxşar Xəbərlər