|
|
Səhifələr : # « 1 2 3 4 5 6 » #
|
Dövlət Mükafatları komissiyasının tərkibi və Əsasnaməsi təsdiqlənib
|
|
Prezident İlham Əliyev Elm, mədəniyyət və ədəbiyyat üzrə Dövlət Mükafatları komissiyasının tərkibi və Əsasnaməsinin təsdiq edilməsi haqqında fərman imzalayıb. APA-nın məlumatına görə, fərmanda göstərilib ki, Nazirlər Kabinetinə Elm, mədəniyyət və ədəbiyyat üzrə Dövlət Mükafatları komissiyası ilə birlikdə Dövlət Mükafatları laureatlarının diplomu və fəxri döş nişanlarının təsvirinə dair təklifləri iki ay müddətində hazırlayıb prezidentə təqdim etmək, habelə Dövlət Mükafatları komissiyasının fəaliyyətinin təşkili ilə bağlı olan və bu fərmandan irəli gələn digər məsələləri həll etmək tapşırılıb.
|
 Oxumaq
10.02.10
|
| |
|
|
ABŞ-ın Xəzər regionundakı siyasəti Vaşinqtonda müzakirə olunacaq
|
Azərbaycan da daxil olmaqla, ABŞ-ın Xəzər dənizi bölgəsindəki siyasəti Vaşinqtonda müzakirə olunacaq.
APA-nın Vaşinqton müxbirinin məlumatına görə, ABŞ-ın bir sıra tanınmış ekspertləri, habelə Xəzər bölgəsi ilə əlaqəsi olan keçmiş rəsmi şəxslər bir araya gələrək, ABŞ-ın Xəzər dənizi bölgəsindəki prioritetləri və cari məsələləri müzakirə edəcəklər.
Müzakirələr fevralın 11-də Con Hopkins Universitetinin Qabaqcıl Beynəlxalq Araşdırmalar fakültəsində təşkil olunacaq.
Tədbirdə Haifa Universiteti Siyasi Elmlər Fakültəsinin professoru Brenda Şaffer, ABŞ-ın Avropa Birliyindəki keçmiş səfiri Y.Boyden Qrey, Atlantik Şura yanında Avrasiya Eneryi Mərkəzinin direktor köməkçisi Aleksandros Petersen və Mərkəzi Asiya-Qafqaz İnstitutunun direktoru, tədqiqatçı Svante Kornel iştirak edəcəklər.
|
Oxumaq
10.02.10
|
| |
|
|
ABŞ-ın Azərbaycanla münasiblərindəki prioritetlər dəyişməyib
|
|
"Vaşinqton Dağlıq Qarabağ münaqişəsi və Rusiya-Gürcüstan münasibətlərində yaşanan gərginlik də daxil olmaqla, regional problemlərlə dərindən məşğul olur". Bunu APA-nın Vaşinqton müxbirinə açıqlamasında Nikson Mərkəzinin icraçı direktoru Pol Saunders deyib. O, ABŞ-ın Azərbaycana olan marağına diqqət çəkərək iki ölkə münasiblərindəki prioritetlərin dəyişilmədiyinə əminliyini vurğulayıb: "ABŞ Əfqanıstan və İraq kimi daha problemli məsələlərə daha çox diqqət yetirir. Bu isə elə təəssürat yaradır ki, Birləşmiş Ştatlar digər bölgələrə lazımi qayğı göstərmir. Qətiyyən belə deyil".
|
Oxumaq
10.02.10
|
| |
|
|
Çexiyanın Lidiçe şəhərinin küçələrindən birinə Xocalı adı veriləcək
|
Çexiyanın Lidiçe şəhərinin küçələrindən birinə Xocalı adı veriləcək. "Azər-Çex" Cəmiyyətindən APA-ya verilən məlumata görə, şəhərin ali rəhbər orqanlarının bununla bağlı verdiyi qərarı "Azər-Çex" Cəmiyyətinə Lidiçe şəhər icra hakimiyyətinin başçısı Yozef Klima təqdim edib. Qərarın digər bir bəndində Lidiçe və Xocalı şəhərlərinin qardaşlaşması nəzərdə tutulur. Cəmiyyətin sədri Elşən Nəzərovun APA-ya verdiyi məlumata görə, bu təşəbbüsü ilk dəfə "Azər-Çex" Cəmiyyəti 2007-ci ildə qaldırıb və bu müddətdə Lidiçe şəhər rəhbərliyi ilə mütəmadi əməkdaşlıq edib.
Qeyd edək ki, Lidiçe 1942-ci ildə alman faşistləri tərəfindən yerlə yeksan edilib, yerli əhali terrora məruz qalıb. Xocalı və Lidiçe faciəsi bir-birinə oxşar olduğuna görə, 2007-ci il fevralın 27-də Lidiçedə Xocalı soyqırımından bəhs edən və 3 ay davam edən sərgi təşkil olunub.
|
Oxumaq
10.02.10
|
| |
|
|
Baş konsul "Los Angeles Times" qəzetinə etiraz məktubu göndərib
|
Azərbaycanın ABŞ-ın Los-Anceles şəhərindəki baş konsulu Elin Süleymanov "Los Angeles Times" qəzetinin Dağlıq Qarabağı Ermənistana aid etməsi ilə əlaqədar redaksiyaya etiraz məktubu göndərib. Bu barədə APA-ya Azərbaycan Xarici İşlər Nazirliyinin mətbuat katibi Elxan Poluxov məlumat verib. Məktubda Dağlıq Qarabağın Azərbaycanın ayrılmaz hissəsi olduğu göstərilib və belə halların yolverilməz olduğu qeyd edilib.
Xatırladaq ki, qəzet səyahət və sərgüzəşt sərgisi keçirməyi planlaşdırır. Şouda Ermənistan və Azərbaycanın işğal olunmuş bölgəsi Dağlıq Qarabağ birlikdə təmsil olunacaq. Ermənistan və Dağlıq Qarabağın turizm şirkətləri dekabrın 13-də təşkil olunacaq səyahət şousunda "Ermənistana xoş gəlmisiniz" köşkünü sərgi zalında yerləşdirəcəklər.
|
Oxumaq
10.02.10
|
| |
|
|
Xocalı soyqırımının 18-ci ildönümünün keçirilməsinə dair tədbirlər planı təsdiqlənib
|
|
Prezident Administrasiyasının rəhbəri Ramiz Mehdiyev "Xocalı soyqırımının on səkkizinci ildönümünün keçirilməsinə dair tədbirlər planı"nın təsdiq edilməsi haqqında sərəncam imzalayıb. Prezident Administrasiyasından APA-ya verilən məlumata görə, tədbirlər planında Xətai rayonunda, Naftalan şəhərində Xocalı soyqırımı qurbanlarının xatirəsinə ucaldılmış abidələrin önünə əklil qoyulması, Xocalı sakinlərinin dünya dövlətlərinə, xalqlarına və beynəlxalq təşkilatlara müraciətinin yayılması, Azərbaycanın xarici ölkələrdəki səfirliklərində, nümayəndəliklərində və diaspor təşkilatlarında bu dəhşətli hadisə ilə bağlı mətbuat konfranslarının, anma mərasimlərinin və s. keçirilməsi, xarici KİV və teleradio kanallarında materialların hazırlanması və yayılması nəzərdə tutulur.
|
Oxumaq
10.02.10
|
| |
|
|
Nazir əktəblərdə meyvə satışı ideyasını dəstəklədi
|
|
"Bakı Şəhəri üzrə Təhsil İdarəsinin (BŞTİ) məktəblərdə meyvə satışı ilə bağlı ideyasını dəstəkləyirəm. Məktəb yaşlı uşaqların təzə meyvə yeməsinə böyük ehtiyac var". APA-nın məlumatına görə, bu barədə təhsil naziri Misir Mərdanov yurnalistlərə açıqlamasında bildirib. Nazir deyib ki, ideya yaxşı olsa da, bundan düzgün nəticə çıxarılmalıdır: "Əgər bu məsələdən düzgün nəticə çıxarılacaqsa, onu dəstəkləyirəm. Amma elə etmək lazım deyil ki, buna görə də haradasa pul yığsınlar".
|
Oxumaq
10.02.10
|
| |
|
|
Əhməd Davudoğlu ABŞ və Ermənistana mesaj verdi
|
"24 apreldən təzyiq faktoru kimi istifadə edərək bizdən protokolları təsdiqləyəcəyimizi gözləməsinlər"
Türkiyənin xarici işlər naziri Əhməd Davudoğlu uydurma "erməni soyqırımı"nın tanınması ilə bağlı qərar layihəsinin ABŞ Konqresi Nümayəndələr Palatasının Xarici Əlaqələr Komitəsinin gündəminə daxil edilməsinə kəskin etirazını bildirib. APA-nın "Hürriyet" qəzetinə istinadən yaydığı məlumata görə, Ə.Davudoğlu ermənilərin saxta "soyqırımı"nın ildönümü kimi qeyd etdikləri 24 aprel tarixindən əvvəl - martın 4-də layihənin müzakirəyə çıxarılmasının təsadüf olmadığını deyib.
Münhendən qayıdarkən təyyarədə media mənsublarına açıqlama verən nazirin fikrincə, son həftələrdə baş verənlər - Ermənistan Konstitusiya Məhkəməsinin məlum qərarı, Azərbaycan və Ermənistan prezidentlərinin Soçi görüşündə Sery Sarkisyanın destruktiv mövqedən çıxış etməsi və son olaraq "soyqırımı" layihəsinin Konqresdə gündəmə gətirilməsi onu göstərir ki, erməni tərəfi bunları qabaqcadan planlaşdırıb. Ə.Davudoğlu narahatlığını Münhendə ABŞ dövlət katibinin müavini Ceyms Steynberqə çatdırdığını söyləyib: "Onlara dedik ki, Konqresdə baş verənləri siz təsadüf saya bilərsiniz, amma biz bunun təsadüf olmadığını düşünürük. Son həftələrdə ardıcıl baş verən hadisələr bizi ciddi şəkildə narahat edib. Öncə Ermənistan Konstitusiya Məhkəməsi imzaladığımız protokollar haqqında bizim qəbul etməyəcəyimiz şərhlər verdi.
|
Oxumaq
09.02.10
|
| |
|
|
Amerikalı diplomat Qarabağ danışıqlarının başa çatmaqda olduğu barədə fikirləri bölüşməyib
|
|
ABŞ Dövlət Departamenti Dağlıq Qarabağ münaqişəsinin nizamlanması prosesində dövlətlərin ərazi bütövlüyü və xalqların milli müqəddəratını təyinetmə prinsipinin qarışıq modelinin tətbiqini mümkün sayır. APA-nın "Armenia Today" saytına istinadən yaydığı məlumata görə, bu fikirləri Ermənistan İctimai Televiziyasına müsahibəsində ABŞ dövlət katibinin 1-ci müavini Ceyms Steynberq söyləyib. Vaşinqtonun Dağlıq Qarabağ münaqişəsinin nizamlanmasına böyük əhəmiyyət verdiyini deyən C.Steynberq bildirib ki, hazırkı danışıqlar formatı ən düzgün formatdır: "Minsk prosesi də effektlidir və bu yolu davam etdirmək daha düzgün olardı. ABŞ ATƏT-in Minsk qrupunun həmsədri kimi həll yolunun tapılması ilə bağlı üzərinə götürdüyü öhdəliyə sadiqdir". C.Steynberq nizamlanma prosesinin başa çatmaqda olduğu barədə fikirləri bölüşmədiyini vurğulayıb:
|
Oxumaq
09.02.10
|
| |
|
|
Baş Prokurorluq Daşkəsəndəki hadisə ilə bağlı kompleks profilaktik tədbirlər həyata keçirir
|
|
Müdafiə Nazirliyinin Daşkəsən rayonu ərazisində yerləşən hərbi hissəsində baş vermiş və 6 hərbçinin ölümü ilə nəticələnmiş qanlı hadisənin tam və hərtərəfli istintaq olunması, bu qəbildən olan hadisələrin qarşısının alınması üçün Müdafiə və Milli Təhlükəsizlik nazirliklərinin müvafiq qurumları ilə əlaqəli şəkildə kompleks profilaktik tədbirlərin həyata keçirilməsi təmin ediləcək. Bu barədə Respublika Baş Prokurorluğunda keçirilən kollegiya iclasında qeyd olunub. Baş Prokurorluğun mətbuat xidmətindən APA-ya verilən məlumata görə, iclasda bildirilib ki, ötən il əvvəlki hesabat dövrü ilə müqayisədə hərbi xidmət əleyhinə, o cümlədən tabeçilik qaydaları əleyhinə, hərbi xidmətdən yayınma, hərbi hissəni və ya xidmət yerini özbaşına tərk etmə, fərarilik, qulluğa səhlənkar yanaşma, hakimiyyətdən sui-istifadə etmə cinayətlərinin sayı azalıb. Cinayətlərin 99,7 faizinin açılması Müdafiə Nazirliyinin müvafiq qurumları ilə əlaqəli şəkildə hərbi prokurorluq orqanları tərəfindən görülmüş işlərin nəticəsi kimi dəyərləndirilib. Bildirilib ki, 74 korrupsiya faktının - rüşvət alma və rüşvət vermə cinayətlərinin aşkarlanması mütəşəkkil cinayətkarlığın bu təhlükəli təzahürlərinə qarşı mübarizənin düzgün təşkilinin nəticəsi olub.
|
Oxumaq
09.02.10
|
| |
|
|
|
Səhifələr : # « 1 2 3 4 5 6 » # |
|
Açılış Səhifəsi et 