|
Metroda bomba həyəcanı
|
«Sahil» stansiyasına partlayıcı maddə qoyulması barədə xəbər yalan olub
Bakı Metropoliteninin “Sahil” stansiyasına partlayıcı maddə qoyulması ilə bağlı polisə məlumat daxil olub. Səbail rayon Polis İdarəsindən verilən məlumata görə, bu barədə iyulun 29-da saat 12.45-də Daxili İşlər Nazirliyinin “102” xidmətinə naməlum şəxs məlumat verib. Hadisə yerinə cəlb olunan mühəndis istehkam bölməsinin minaaxtaranları, Fövqəladə Hallar Nazirliyi və hüquq-mühafizə orqanlarının əməkdaşları metrostansiyaya baxış keçiriblər. Axtarış nəticəsində metrostansiyaya bomba qoyulması haqda verilən xəbərin yalan olduğu müəyyənləşdirilib. Faktla bağlı araşdırma aparılır.
|
 Oxumaq
30.07.10
|
| |
|
|
Paytaxt sakinindən silah götürülüb
|
|
Binəqədi rayon sakinindən silah götürülüb. Bakı Şəhər Baş Polis İdarəsindən verilən məlumata görə, Binəqədi Rayon Polis İdarəsinin 6-cı Polis Bölməsinin əməkdaşları Oqtay Eyvazovdan 1 ədəd TOZ-17 markalı 5,6 kalibirli lüləsi və qundağı kəsilmiş ov tüfəngi aşkar edərək götürüblər.
|
Oxumaq
29.07.10
|
| |
|
|
Soyğunçuluq faktının üstü açılıb
|
|
Bakının Nəsimi rayonunda soyğunçuluq faktının üstü açılıb. Bakı Şəhər Baş Polis İdarəsindən verilən məlumata görə, Nəsimi rayon Polis İdarəsinin əməkdaşları tərəfindən soyğunçuluqda təqsirli bilinən şəxs yaxalanıb. Saxlanılan Etibar Babayevdir. E.Babayevin üzərinə baxış keçirilərkən 0,287 qram narkotik vasitə olan heroin aşkar edilərək götürülüb. E.Babayev barəsində Cinayət Məcəlləsinin 180.1-ci (soyğunçuluq) maddəsi ilə cinayət işi başlanılıb və araşdırma aparılır.
|
Oxumaq
29.07.10
|
| |
|
|
Paytaxtda bədbəxt hadisə
|
Rusiya vətəndaşı dəniz gəzintisi zamanı ölüb
Səbail rayonunda bədbəxt hadisə baş verib. Səbail rayon Polis İdarəsindən verilən məlumata görə, dənizkənarı bulvarda Rusiya vətəndaşı, 1958-ci il təvəllüdlü Nəsrəddin Ələkbərov dünyasını dəyişib. Belə ki, N.Ələkbərov dəniz gəzintisi üçün gəmiyə minib və dəniz gəzintisi zamanı vəziyyəti pisləşib. İlkin ehtimallara görə, onun ölümünə infarkt keçirməsi səbəb olub.
|
Oxumaq
29.07.10
|
| |
|
|
Qonşu qonşunu bıçaqlayıb
|
Onlardan biri xəstəxanaya, digəri polisə aparılıb
Paytaxtda bıçaqlanma faktı qeydə alınıb. Xətai rayonu Zığ küçəsi ev 22-də yaşayan 1974-cü il təvəllüdlü Elman Nəbiyev qonşusu 1954-cü il təvəllüdlü İsrail Həsənovu bıçaqlayıb. Münaqişəyə səbəb İsrail Həsənovun avtomobilini həyətdə Elman Nəbiyevin avtomobilinin yerində saxlaması olub. Bundan qəzəblənən E.Nəbiyev bıçaqla İ.Həsənovun qarın nahiyəsinə ağır xəsarət yetirib. İ.Həsənov ağır vəziyyətdə xəstəxanaya yerləşdirilib. E.Nəbiyev isə saxlanılıb. Faktla bağlı araşdırmalar aparılır.
|
Oxumaq
29.07.10
|
| |
|
|
Danışıq kartlarını mənimsəyən şəxs məhkəmə qarşısında
|
Ağır Cinayətlərə Dair İşlər üzrə Məhkəmədə “Şervund MMC”-nin pulunu mənimsəməkdə təqsirləndirilən şəxsin məhkəməsi başlayıb. Məhkəmə qarşısında Bakı şəhəri sakini İman Əzizov cavab verir.
İttihama görə, İ.Əzizov meneceri işlədiyi A.Neymətulla küçəsində yerləşən “Şervund” MMC-də mobil telefonları və danışıq kartlarını mənimsəyib. Baş vermiş hadisə ilə bağlı “Şervund” MMC-nin rəhbəri Müşfiq Rəhimov polisə şikayət edib. Bundan sonra İ.Əzizov tutularaq istintaqa təhvil verilib.
|
Oxumaq
29.07.10
|
| |
|
|
Həmyerlisini qətlə yetirən Gədəbəy sakininə hökm oxunub
|
Rəhman Namazov 15 il müddətinə azadlıqdan məhrum edilib
Ağır Cinayətlərə Dair İşlər üzrə Məhkəmədə Gədəbəy rayonunda 14 yaşlı yeniyetmənin qətli ilə bağlı məhkəmə prosesi yekunlaşıb. Məhkəmə qarşısında Rəhman Namazov cavab verib.
İttihama görə, 1995-ci il təvəllüdlü Ramin Allahverdiyevin valideynləri bir ay əvvəl onun itkin düşməsi barədə polisə məlumat verib. Uzun müddət həyata keçirilən axtarış tədbirlərinə baxmayaraq, Allahverdiyevi tapmaq mümkün olmayıb.
|
Oxumaq
29.07.10
|
| |
|
|
Ana və bacısını qətlə yetirən şəxsin məhkəməsi başlayıb
|
Hadisəyə futbol oyunlarına yatırılan pula görə yaranan borc səbəb olub
Ağır Cinayətlərə Dair İşlər üzrə Məhkəmədə anasını və həyat yoldaşını qətlə yetirən şəxsin məhkəməsi başlayıb. Məhkəmə qarşısında Bakı şəhəri sakini, 1971-ci il təvəllüdlü Elman Abdulla oğlu Osmanov cavab verir. E.Osmanov Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə ittiham olunub.
|
Oxumaq
29.07.10
|
| |
|
|
Hərbi hissədə kütləvi zəhərlənmə ilə bağlı məhkəmə
|
Məhkəmə qarşısında keçmiş bölük komandiri, baş leytenant Anar Eminov cavab verib
Ağır Cinayətlərə Dair İşlər üzrə Hərbi Məhkəmədə hakim Mehdixan Abdullayevin sədrliyi ilə Müdafiə Nazirliyinin Təlim-Tədris Mərkəzində (TTM) baş verən zəhərlənmə faktı ilə bağlı məhkəmə başlayıb. Məhkəmə qarşısında keçmiş bölük komandiri, baş leytenant Anar Eminov cavab verib. A.Eminov Cinayət Məcəlləsinin 178.2.2-ci (dələduzluq təkrar törədildikdə), 178.2.3-cü (dələduzluq şəxs tərəfindən öz qulluq mövqeyindən istifadə etməklə törədildikdə), 178.2.4-cü (dələduzluq xeyli miqdarda ziyan vurmaqla törədildikdə), 311.3.2-ci (rüşvət alma təkrar törədildikdə) maddələri ilə ittiham olunub.
|
Oxumaq
29.07.10
|
| |
|
|
Beş mərtəbəli binada yanğın
|
|
İyulun 28-də paytaxtda 5 mərtəbəli binada yanğın baş verib. Nəsimi rayon Polis İdarəsindən verilən məlumata görə, yanğın saat 16:45 radələrində Cavadxan küçəsi 5 ünvanında yerləşən binada başlayıb. Hadisə yerinə dərhal polis əməkdaşları və Fövqəladə Hallar Nazirliyi Nəsimi rayon Yanğından Mühafizə Hissəsinin əməkdaşları cəlb olunublar. Qısa müddətdə yanğın söndürülüb. Hadisə zamanı ölən və yaralanan olmayıb. Hadisənin səbəbləri araşdırılır.
|
Oxumaq
29.07.10
|
| |
|
|
|
Açılış Səhifəsi et