|
Facebook səhmlərini açıq bazarda satmağa hazırlaşır
|
800 milyon istifadəçisi olan Facebook səhmlərini açıq bazarda satmağa hazırlaşır. “Google” şirkətinin 2004-cü ildə səhmlərinin birjada yerləşdirilməsindən bəri bu, haqqında ən çox bəhs edilən addım hesab olunur.
Səhmlərin satışı şirkətin dəyərini müəyyən etməlidir. Ekspertlər sosial şəbəkənin ümumi bazar dəyərinin 75-dən 100 milyard dollaradək çatacağını güman edirlər. Adətən birjada satışlar ərizənin daxil olmasından 3-4 ay keçmiş başlanılır. Müəyyən istehlakçı qruplarını hədəfləməyə imkan verən texnoloji platformanın internet marketinq dəyərinin yüksək olduğu qeyd olunur. Hazırda ən böyük sualı səhmlərin necə satılacağı təşkil edir. Əsas alıcılar böyük investisiya qurumları ilə fərdlər ola bilər. Facebook internetdə ən uğurlu sosial şəbəkə hesab olunur. Onun yaxın rəqibi “Google+” sistemi cəmi 60 milyon üzvə malikdir.
|
 Oxumaq
03.02.12
|
| |
|
|
Yaşar Böyükanıt haqqında istintaq başladıldı
|
Türkiyə Silahlı Qüvvələri Baş Qərargahının sabiq rəisi Yaşar Böyükanıt haqqında istintaq başlayıb. Böyükanıt 2007-ci ilin 27 aprelində Silahlı Qüvvələrin Baş Qərargahının internet saytında yerləşdirilən bəyanatı ilə bağlı istintaqa ifadə verəcək.
Prokurorluğun 2007-ci ildə Silahlı Qüvvələrin Baş Qərargah rəisi olan Yaşar Böyükanıt və digər komandanların ifadəsini alması gözlənilir. Xatırladaq ki, Yaşar Böyükanıt mətbuata açıqlamasında sözügedən bəyanatı "Şəxsən özüm yazdım" demişdi. Məlumata görə, xüsusi səlahiyyətli müstəntiq Kamal Çətin bununla bağlı araşdırma aparacaq.
|
Oxumaq
03.02.12
|
| |
|
|
BMT müfəttişləri yenidən İrana gələcək
|
|
BMT Atom agentliyinin baş müfəttişi bildirib ki, İran enerji proqramına dair üç gün davam edən intensiv danışıqlardan sonra hələ də çox işlər görülməlidir. İranda bu ölkənin nüvə proqramı ilə bağlı apardıqları danışıqlardan sonra BMT müfəttişləri Tehranın bütün məsələlər üzrə çözüm tapmaq qətiyyətindən danışırlar. Baş müfəttiş Herman Nackaerts deyib ki, hər iki tərəf məsələnin həllinə dair öhdəliklərin yerinə yetiriləcəyini bildirib və nüvə üzrə müfəttişlər yaxın gələcəkdə yenidən Tehrana səfər etməyə hazırlaşırlar.
|
Oxumaq
03.02.12
|
| |
|
|
Türkiyədən BMT-yə Suriya çağırışı
|
Ankara Təhlükəsizlik Şurasının Suriyadakı proseslərə ciddi yanaşmasını istəyir
Türkiyə Suriya iqtidarının xalqına divan tutması nəticəsində ölən insanların sayının artmasından narahatlıq duyduğunu bəyan edib. Xarici İşlər Nazirliyindən verilən yazılı açıqlamada Ankaranın bu çərçivədə BMT Təhlükəsizlik Şurasının Suriyadakı vəziyyətlə ciddi məşğul olmasını və bu vahiməli gedişatın dayandırılması üçün Suriya iqtidarına lazımi mesaj verməsini gözlədiyi bildirilib.
|
Oxumaq
03.02.12
|
| |
|
|
|
|
Ruslar Putinin yenidən prezident olacağına əmindir
|
|
Rusların böyük hissəsi əmindir ki, Vladimir Putin yenidən prezident seçiləcək. Seçkilərin şəffaf keçiriləcəyinə isə onların yarısı ümid edir. «İnterfaks»a xəbər verir ki, «Levada-mərkəz»in keçirdiyi sorğunun nəticələrinə görə, Putinin qalib gələcəyinə rəyi soruşulanların 78 faizi əmindir, 49 faiz isə seçkilərin şəffaf keçiriləcəyinə inanır.
|
Oxumaq
02.02.12
|
| |
|
|
ABŞ hərbi dəniz qüvvələri İranın balıqçı gəmisini xilas edib
|
|
ABŞ hərbi dəniz qüvvələrinin gəmisi İran körfəzində İranın balıqçı gəmisini xilas edib. Hərbi dəniz donanmasının bildirdiyinə görə, Abraham Linkoln təyyarə daşıyan gəmisi çərşənbə axşamı 9 İran dənizçisini daşıyan balıqçı gəmisindən fəlakət siqnalı alıb. Amerikalı mühəndislər balıqçı gəmisinin mühərrikinin sıradan çıxan kəmərini təmir edib və gəmi yoluna davam edib. «Abraham Linkoln» gəmisinin komandiri, admiral Mayk Şumeyker onun komandasında bütün hallarda yardım göstərə biləcək mühəndislər və həkimlərin olduğunu deyib. Bu, bir ay ərzində ABŞ-ın xilas etdiyi üçüncü İran gəmisidir. İki həftə bundan əvvəl ABŞ-ın hərbi gəmisi 6 İran dənizçisini, yanvarın əvvəlində isə ABŞ-ın hərbi dəniz qüvvələrinin gəmisi Ərəbistan dənizində quldurlar tərəfindən saxlanan 13 İran balıqçısını xilas etmişdi.
|
Oxumaq
02.02.12
|
| |
|
|
Avropa donur
|
Güclü qar və soyuq hava 70-dən çox insanın ölümü ilə nəticələnib
Şərqi Avropa boyunca güclü qar və havanın hər gün aşağı düşən dərəcəsi artıq 70-dən çox insanın ölümü ilə nəticələnib. Ukraynada şaxta nəticəsində 30 nəfər, Polşada isə 20 nəfər ölüb. Onların əksəriyyətinin evsiz insanlar olduğu bildirilir. Serbiyaya ciddi ziyan dəyib və ölkənin cənubunda fövqəladə vəziyyət elan olunub. Qalın qar uçqunları yolları bağlayıb və elektrik təchizatını kəsib.
|
Oxumaq
02.02.12
|
| |
|
|
Misirdə növbəti etiraz aksiyaları keçirilib
|
Payaxt Qahirədə baş tutan aksiyada yüzlərlə etirazçı iştirak edib
Misirdə hökumət əleyhinə növbəti etiraz aksiyaları keçirilib. Paytaxt Qahirədə baş tutan aksiyada yüzlərlə etirazçı iştirak edib. Parlamentin binasına doğru yürüş edən etirazçılar sabiq prezident Hüsnü Mübarəkin və digər sabiq hökumət rəsmilərinin mühakimə olunmasını tələb ediblər.
|
Oxumaq
02.02.12
|
| |
|
|
Rusiya Suriya ilə bağlı qərar layihəsinə veto qoyub
|
Klinton Suriyaya qarşı hərbi müdaxilə olunacağı ilə bağlı iddiaları təkzib edib
BMT-nin Təhlükəsizlik Şurasının üzvləri hələ ki Suriya ilə bağlı bir qərar verməyiblər. Qərb ölkələri Ərəb Dövlətləri Liqasının planını dəstəkləyir. Plana görə, prezident Bəşər Əsəd istefaya getməli və müxalifətin iştirakı ilə milli hökumət formalaşdırılmalıdır. Qətərin baş naziri Seyx Hamad bin Yassim əl-Tani deyib ki, Suriyada “qətl maşını hələ də işləyir”. Müzakirələrdə Hamad deyib ki, o, hərbi müdaxiləyə çağırmır, amma hesab edir ki, Suriyaya qarşı iqtisadi sanksiyalar güclənməlidir.
|
Oxumaq
02.02.12
|
| |
|
|
|
Açılış Səhifəsi et 
