|
|
|
|
|
|
|
Ballak qayıydı
|
Qazona kapitan sarğısıyla çıxan yarımmüdafiəçi 90 dəqiqə meydanda olub
Mihael Ballak onun mundialdan kənarda qoyan ağır zədəsini tam sağaldaraq yaşıl meydana qayıdıb. Təcrübəli futbolçu uzun fasilədən sonra ilk dəfə qazona çıxıb. "Çelsi"ni tərk edəndən sonra əvvəlki klubu "Bayer-04"ə qoşulan Mihael komandasının 2-ci bundesliqa təmsilçisi "Veen Visbaden"lə keçirdiyi yoldaşlıq matçında iştirak edib. Sevindiricidir ki, qazona kapitan sarğısıyla çıxan Almaniya millisinin yarımmüdafiəçisi 90 dəqiqə meydanda olub. Onun komandasının 4:0 hesablı qələbə qazandığını da qeyd edək. Onu da bilin ki, Ballak ağır zədə üzündən düz 3 ay yaşıl meydanlardan kənarda qalmışdı: "Çox sevinirəm. Çünki hər hansı problemsiz 90 dəqiqə meydanda top qovdum.
|
 Oxumaq
17.08.10
|
| |
|
|
İdmançılarımız I Yay Olimpiya Oyunlarında 3 qızıl medal qazanıblar
|
|
Azərbaycan idmançıları Sinqapurda keçirilən yeniyetmələrin I Yay Olimpiya Oyunlarına uğurla başlayıblar. Apasport.az saytının məlumatına görə, yarışın ilk iki günündə mübarizəyə qoşulan 2 həmyerlimiz qızıl medal qazanıb. Belə ki, yunan-Roma güləşi üzrə Murad Bazarov (42 kq) rəqiblərinə öz gücünü göstərib. İlk görüşdə ukraynalı Aleksey Jabskinin kürəyini yerə vuran təmsilçimiz növbəti mərhələdə ekvadorlu Anri Pilaya da eyni aqibəti yaşadıb. Maraqlıdır ki, Bazarov final görüşündə də Yosvanis Pena Floresə (Kuba) əvvəlki döyüşlərində olduğu kimi eyni – 3:0 hesabı ilə qalib gələrək, Olimpiya çempionu adına sahib olub.
|
Oxumaq
17.08.10
|
| |
|
|
Yol qəzalarının sayı artıb
|
Dörd yol qəzasında yeddi nəfər həlak olub
Respublikanın avtomobil yollarında ölümlə nəticələnən bir neçə yol-nəqliyyat hadisəsi qeydə alınıb. DİN-in mətbuat xidmətindən «Kaspi»yə verilən məlumata görə, Xətai rayonunun Gəncə prospektində, Bakı şəhər sakini Xəyyam Azadovun idarə etdiyi "Mercedes" markalı və Rüfət Mirzəyevin idarə etdiyi "VAZ-2107" markalı avtomaşınlar toqquşublar. Nəticədə, R.Mirzəyevin xəsarət alan sərnişini - Nurlan Əmənov xəstəxanaya aparılarkən yolda dünyasını dəyişib. Xəsarət alan hər 2 sürücü və R.Mirzəyevin 3 sərnişini xəstəxanaya yerləşdirilib.
|
Oxumaq
17.08.10
|
| |
|
|
Oğurluq etdiyinə görə saxlanılan şəxsin əlavə cinayətləri üzə çıxıb
|
Oğurluq etdiyinə görə saxlanılan şəxsin əlavə cinayətləri üzə çıxıb. DİN-in mətbuat xidmətindən «Kaspi»yə verilən məlumata görə,
Binəqədi RPİ və Nərimanov RPİ əməkdaşlarının birgə həyata keçirdikləri əməliyyat-axtarış tədbirləri nəticəsində avqustun 14-də oğurluq etdiyinə görə Nağı Allahverdiyev tutulub. Onun ətrafında aparılan əməliyyat tədbirləri nəticəsində onun elə həmin gün E.Kazımova məxsus "VAZ-2106" markalı, 2009-cu il oktyabrın 11-də M.Məmmədova məxsus "VAZ-2106" markalı, cari il aprelin 29-da E.İbrahimova məxsus "VAZ-2107" markalı və cari il iyulun 16-da B.Əliyevə məxsus "VAZ-2107" markalı avtomaşınları qaçırması müəyyən edilib.
|
Oxumaq
17.08.10
|
| |
|
|
Qəbələ sakini çayda, Balaxanı sakini dənizdə boğulub
|
|
Qəbələ rayonunun 4 yaşlı sakini boğulub. DİN-in mətbuat xidmətindən «Kaspi»yə verilən məlumata görə, avqustun 15-də Qəbələ şəhəri ərazisində, şəhər sakini 4 yaşlı Ömər Bayramov Dəmiraparan çayında çimərkən suda boğulub. Bakının Pirşağı çimərliyində, Balaxanı qəsəbə sakini Mirzəbəy Yüzbəyov dənizdə çimərkən boğulub.
|
Oxumaq
17.08.10
|
| |
|
|
Qaz balonu partlayışa səbəb olub
|
|
Avqustun 15-də Xaçmaz rayonunun Qalağan kənd sakini, Mərdan İsayevə məxsus ümumi sahəsi 100 kvadratmetr olan 2 mərtəbəli 6 otaqlı evdə partlayış baş verib. DİN-in mətbuat xidmətindən «Kaspi»yə verilən məlumata görə, partlayışa səbəb məişətdə istifadə olunan qaz balonundan qaz sızması olub. Nəticədə 1 otağın yanar konstruksiyaları və oradakı əşyalar yanıb. Xoşbəxtlikdən hadisə nəticəsində xəsarət alan olmayıb. Faktla bağlı araşdırmalar aparılır.
|
Oxumaq
17.08.10
|
| |
|
|
Metroda bomba həyəcanı
|
Bu dəfə hədəf «Elmlər Akademiyası» stansiyası olub
Metronun «Elmlər Akademiyası» stansiyasında bomba həyəcanı yaşanıb. DİN-in mətbuat xidmətindən «Kaspi»yə verilən məlumata görə, avqustun 15-də saat 17.11-də, naməlum şəxs Fövqəladə Hallar Nazirliyinin “112” xidmətinə zəng edərək metronun "Elmlər Akademiyası" stansiyasına bomba qoyulması barədə məlumat verib. Məlumat DİN Növbətçi Hissələri İdarəetmə Xidmətinə ötürülüb, müvafiq tədbirlər görülüb. Amma məlumat təsdiqini tapmayıb. Faktla bağlı araşdırma aparılır.
|
Oxumaq
17.08.10
|
| |
|
|
Narkotik alverçisi yaxalanıb
|
Rizvan Vəliyevdən 2 kiloqram 0,48 qram heroin götürülüb
DİN Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının həyata keçirdikləri əməliyyat tədbirləri nəticəsində narkotik alverçisi saxlanılıb. DİN-in mətbuat xidmətindən «Kaspi»yə verilən məlumata görə, saxlanılan Astara rayon sakini Rizvan Vəliyevdir. Əvvəllər də məhkum olunan R.Vəliyevdən 2 kiloqram 0,48 qram heroin götürülüb. Faktla bağlı araşdırmalar aparılır.
|
Oxumaq
17.08.10
|
| |
|
|
|
|
|
Açılış Səhifəsi et 
