|
|
|
Qarabağ müharibəsindən bəhs edən serial çəkilir
|
Ekran işi "Bakıfilm"in istehsalıdır
"Bakıfilm" Kinostudiyası Azərbaycan kinematoqrafiyası üçün yeni uğura imza atır. Qurumun mətbuat əlaqələndiricisinin məlumatına görə, kinostudiya yeni "Yaddaş" adlı televiziya serialını ekranlaşdırır. Məlumatda qeyd olunur ki, televiziya serialının çəkilişləri ötən ilin dekabr ayından başlayıb.
Qeyd edək ki, sözügedən serialda cərəyan edən hadisələr Qarabağ müharibəsinin başlanğıcına təsadüf edir. Filmin süyeti erməni-rus hərbi birləşmələrinin kəndə hücumunun qarşısını fədakarlıqla almağa çalışan dörd gəncin üzərində qurulub. Onlardan biri - Azər ölümcül hala düşərək, yalnız 17 ildən sonra komadan ayılır, keçmişini xatırlamaq üçün yola çıxır. Bu yol isə onun yaddaşıdır.
Məlumatda daha sonra qeyd olunur ki, serialın əsas ana xəttini Qarabağ müharibəsi, Azərbaycan xalqının başına gətirilən bəlalar və ən əsası, gələcəyə diktə edən keçmişin bununla xalqı yüksək ideallara səsləməsi fəlsəfəsi təşkil edir. Serial kəskin şəkildə hazırlanan döyüş səhnələri ilə zəngindir.
Öyrəndik ki, serialın ilk epizodları Bakı şəhərində lentə alınıb. Növbəti çəkilişlərin aparılması isə yaxın günlərdə respublikamızın səfalı guşələrindən birində planlaşdırılır.
|
 Oxumaq
20.01.10
|
| |
|
|
Fərda Xudaverdiyev müğənnilərə şərik çıxıb
|
Əvvəlcə müğənnilər aktyorun, sonra isə aktyor müğənnilərin çörəyini əlindən alıb
Aktyor Fərda Xudaverdiyev müğənnilərin çoxşaxəli çıxışlarından gileylənib. O bildirib ki, əksər sənətçilər toyda mahnı oxumaqdan çox, monoloq söyləyirlər. Bu səbəbdən də Fərda Xudaverdiyev onlar kimi mahnı oxumaq qərarına gəlib. Çörəyinə şərik çıxanların peşəsini onlarla bölüşən aktyor əslində, müğənni kimi hələ bir neçə il öncə çıxış etdiyini bildirib. Bir müddət bu peşəyə fasilə verən F.Xudaverdiyev müğənnilərin onun işinə müdaxiləsindən sonra yenidən oxumaq qərarına gəlib. Müğənnilik sənətinə göz dikmədiyini deyən aktyor toylardakı çıxışının onu maddi cəhətdən təmin etdiyini söylədi. Lakin müğənnilərin söz sandığının ağzı açılanda, Fərda özünə yer tapa bilmir. Onlara bu tərzdə cavab verir. Səsinə güvəndiyini deyən Fərda ifasının məclis tərəfindən normal qarşılandığını bildirdi: "Əgər 10-dan pis oxuyuramsa, 5-dən yaxşı oxuyuram. Ona görə də müğənnilərə əsəbiləşəndə oxumaq qərarına gəlirəm. Amma son günlər bəzən buna ehtiyac qalmır, insanlar özləri mənim oxumağımı sifariş edirlər".
|
Oxumaq
20.01.10
|
| |
|
|
|
|
|
Açılış Səhifəsi et 