Obama ABŞ-ın Əfqanıstanda müddətsiz qalmayacağına işarə vurub

Dünən səhər saatlarında Əfqanıstanın paytaxtı Kabildə xarici hərbi bazaların yerləşdiyi istiqamətdə güclü partlayış baş verib. "Exo Moskva" radiosunun yaydığı məlumata görə, ölənlər və xəsarət alanlar barədə məlumatlar dəqiqləşdirilir. İlkin məlumatlara görə, 8 amerikalı hərbçi, 2 əfqan ölüb, 2 zirehli döyüş maşını sıradan çıxıb. Polis bildirib ki, kamikadze minalanmış avtomobillə ABŞ hərbi bazasına hücum çəkib və bazaya daxil olub. Partlayış da hərbi bazanın ərazisində baş verib. Bu arada Ağ evin yüksək səviyyəli rəsmisi bildirib ki, prezident Barak Obama öz milli təhlükəsizlik komandasına Əfqanıstanda müharibə strategiyasına dəyişikliklər edilməsi haqda müraciət edib. Rəsmi nümayəndənin bildirdiyinə görə, prezident müşavirlərin ABŞ hərbi qüvvələrinin təhlükəsizliyə dair məsuliyyətin əfqan hökumətinə nə zaman və necə təhvil verilməsini müəyyənləşdirməsini tələb edir. Administrasiya rəsmiləri bildiriblər ki, Obama ABŞ-ın Əfqanıstana dair öhdəliklərinin müddətsiz davam etməcəyini Əfqanıstan prezidenti Həmid Kərzayiyə çatdırılmasını istəyir.
Yeri gəlmişkən, ABŞ-ın Kabuldakı səfiri Ağ evə məktub yazaraq minlərlə Amerika əsgərinin Əfqanıstana göndərilməsi əleyhinə fikirlərini açıqlayıb. Sızmış diplomatik məlumata əsasən, Amerikanın Əfqanıstandakı sabiq komandiri səfir Karl Eikenberry Kərzayinin başçılıq etdiyi əfqan hökumətinin səriştəliyinə və korrupsiyaya dair suallarla çıxış edib.

+  -  Çap