Mükafat pulunu qrup səsyazma avadanlığa xərcləyəcək

İtv.az “Sky News”-a istinadən xəbər verir ki, hər il ən yaxşı britaniya musiqi albomuna verilən nüfuzlu “Mercury Prize” mükafatı, bu il “The XX” gənc kollektivinin eyni adlı musiqi albomuna təqdim olunub. 
“The XX” əvvəlcədən favorit hesab olunurdu. Lakin qalibin adını açıqlamazdan əvvəl bukmekerlər bildiriblər ki, mükafata 52 yaşlı Pol Ueller  özünün "Wake Up the Nation" adlı  sayca 10-cu albomu ilə iddialıdır. “The XX” qrupu  2005-ci ildə  yaradılıb. Debüt albomunu isə 2009-cu ildə buraxıb. Münsiflər heyyətinin fikrinə görə, onların “hipnotik biti və boğuq səsi zaman və məkan daxilində  heyratamiz şəkildə həmahəngdir”
Qeyd edək ki, mükafatın pul ekvivalenti 20 min funt sterlinq təşkil edir. Qrup üzvlərindən soruşanda ki, bu pullarla nə edəcəksiniz, onlar yeni studiyanın lazım olduğunu etiraf ediblər. Çünki sonuncu  albomlarını səsyazma avadanlıqları quraşdırılmış qarajda yazıblar.
Xatırladaq ki, “Mercury Prize” mükafatının əvvəlki laureatları Pi Djey Harvi, Portishead, Primal Scream və Pulp olublar.

+  -  Çap