Hər üç hadisə şəxsi münaqişə zəminində törədilib

Respublika ərazisində üç bıçaqlanma faktı qeydə alınıb. DİN-in mətbuat xidmətindən «Kaspi»yə verilən məlumata görə, Sumqayıt şəhər sakini Sadiq Bağırov münaqişə zəminində həmyerlisi Ceyhun Teymurova bıçaqla xəsarət yetirib. Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində S.Bağırov tutulub. 
Lənkəran şəhəri ərazisində, şəhər sakini Elvin Məmmədov münaqişə zəminində həmyerlisi Anar Ələsgərova bıçaqla xəsarət yetirib. Lənkəran ŞPŞ əməkdaşlarının həyata keçirdikləri əməliyyat-axtarış tədbirləri nəticəsində E.Məmmədov tutulub.  İsmayıllı rayonu ərazisində, rayon sakini, əvvəllər məhkum olunan Rafiq Talıbov münaqişə zəminində həmyerlisi Yaşar Fətəliyevə bıçaqla xəsarət yetirib.  İsmayıllı RPŞ əməkdaşlarının həyata keçirdikləri əməliyyat-axtarış tədbirləri nəticəsində R.Talıbov tutulub. Hər üç faktla bağlı araşdırma aparılır. 

+  -  Çap