Saxlanılanlardan ikisi əvvəllər də məhkumluq həyatı yaşayıb

Hüquq-mühafizə orqanları bir neçə oğurluq faktının üstünü açıb. DİN-in mətbuat xidmətindən «Kaspi»yə verilən məlumata görə, Nizami RPİ 25-ci PB əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Şahbaz Şahbazovun mənzilindən 2.200 manat və 100 dollar pulunu oğurlamaqda şübhəli bilinən şəxs tutulub. Saxlanılan Bakı şəhər sakini Kazım Səfərov əvvəllər də məhkumluq həyatı yaşayıb.  Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Günel Abbasovaya məxsus "Nissan" markalı avtomaşından 1 ədəd mobil telefon, 1 ədəd bankomat kartı və şəxsi sənədlərini oğurlamaqda şübhəli bilinən şəxs tutulub. Saxlanılan Ramil Nurəliyev əvvəllər də məhkumluq həyatı yaşayıb. 
Xəzər RPİ 1-ci PB əməkdaşlarının həyata keçirdikləri əməliyyat-axtarış tədbirləri nəticəsində Mərdəkan qəsəbə sakini Hidayət Məmmədova məxsus "VAZ-2107" markalı avtomaşını qaçıran şəxs tutulub.  Saxlanılan Şüvəlan qəsəbə sakini Bəxtiyar Babayevdir. Hər üç faktla bağlı araşdırma aparılır. 

+  -  Çap