BMT Baş Assambleyasında keçirilən səsvermə yekdil olmayıb

Birləşmiş Millətlər Təşkilatında içməli su ilə bağlı qətnamənin müzakirəsi keçirilib. Qətnamə məlum bir məsələni bəyan edir: içməli su və sanitariya həyatdan tam həzz almaq üçün lazım gələn insan haqlarıdır. Qətnamə bütün dövlətlər və beynəlxalq təşkilatları hər kəsin bu hüquqları əldə etməsi üçün səyləri artırmağa çağırır. Amma 40-dan çox ölkə bu qətnaməni dəstəkləməyib. Onların arasında Britaniya və Birləşmiş Ştatlarla yanaşı içməli suya böyük ehtiyacı olan Botsvana da var. Bu ölkənin milli valyutasının adı «qoy yağış yağsın» kimi tərcümə olunur. Qətnamənin lehinə səs verməyənlərdən bəziləri hesab edir ki, sənəd bu yeni insan hüququnun miqyasını və onun doğurduğu öhdəlikləri aydın şəkildə ifadə etmir. Bir çox dövlətlər həmçinin narahatdırlar ki, bu səsvermə hazırda Cenevrədəki İnsan Haqları Şurasında müzakirə olunan su və təmizlik məsələsi ətrafında konsensusa mane ola bilər. Digərləri isə qətnaməni Cenevrə prosesinə təkan kimi görürlər. Təcili addımların lazımlığını şübhə altına almağa isə statistika imkan vermir, çünki indi dünyada bir milyon adam içməli su əldə edə bilmir, 2 milyard yarımdan çox adamın isə adi sanitariya vəziyyəti yoxdur, hər il 5 yaşında 1 milyon yarımdan çox uşaq su və təmizliyin yoxluğundan yaranan xəstəliklərdən ölür.

+  -  Çap