Azərbaycanın tanınmış tarzəni, xalq artisti Ramiz Quliyev yeni səfərə hazırlaşır

Sənətkar avqustun üçüncü ongünlüyündə Kanadanın Niaqara şəhərində konsert proqramı ilə çıxış edəcək. Səfəri barədə Lent.az-a açıqlama verən Ramiz Quliyevin sözlərinə görə, konsertdə Kanadanın İpək yolu orkestri ilə birgə çıxışı gözlənilir. Konsertin dirijoru isə əməkdar incəsənət xadimi İsmayıl Hacıyev olacaq: “Bu konsertdə bəzi Azərbaycan musiqiləri ilk dəfə olaraq səslənəcək. Məsələn, dahi Üzeyir Hacıbəyovun 125 illik yubileyilə əlaqədar olaraq onun tar üçün əsərləri, Azər Rzayevin 80, Sevda İbrahimovanın 70 illik yubileyləri münasibətilə onların da bəzi əsərləri səslənəcək. Bundan başqa İsmayıl Hacıyevin Azərbaycanın birinci xanımı Mehriban Əliyevaya həsr etdiyi “Dünyanın qızıl gülü” əsəri də Kanadada ilk dəfə olaraq səslənəcək. Bütün əsərləri orkestr ifa edəcək, solo partiyalar isə mənim ifamda olacaq”. Ramiz Quliyev qarşıda yeni yaradıcılıq işlərinin olduğunu desə də, bu barədə hələ ətraflı məlumat vermək istəmədi.

Xəyalə

+  -  Çap