12 nəfər xəsarət alıb

Respublikanın avtomobil yollarında ölümlə nəticələnən yol-nəqliyyat hadisəsi qeydə alınıb. Daxili İşlər Nazirliyinin (DİN) mətbuat xidmətindən «Kaspi»yə verilən məlumata görə, Gəncə şəhər Cavadxan küçəsində Vahid Hüseynov idarə etdiyi “VAZ 2107” markalı avtomobillə şəhər sakini Eldəniz Əhmədovun idarə etdiyi “VAZ 21011” markalı avtomobil toqquşub.  Nəticədə V.Hüseynov aldığı ağır xəsarət nəticəsində dünyasını dəyişib.  Nərimanov rayonunda naməlum sürücü maşınla əcnəbi vətəndaşı vuraraq qaçıb. Rayonun Təbriz küçəsində naməlum sürücü idarə etdiyi avtomobillə Pakistan vətəndaşı Sarcern Mühəmmədi vurub. O, aldığı xəsarətlər nəticəsində Kliniki Tibbi Mərkəzə yerləşdirilib.
Qaradağ rayonu ərazisində ağır yol qəzası baş verib. Hadisə Sahil qəsəbəsi ərazisində qeydə alınıb. Heydər Əliyev adına Bakı Dərin Özüllər Zavodunun fəhlələrini daşıyan avtobus yolun əks istiqaməti ilə hərəkət edən minik maşını ilə toqquşub. Toqquşma nəticəsində avtobus aşıb, avtobusda olan 10-dan çox sərnişin xəsarət alıb. Yaralılar– Etibar Rzayev, Namiq Mikayılov, Baxış Mirzəyev, Aqşin Zeynalov, Hidayət Ziya və Rizvan Məmmədov, Sahib Dadaşov, Ramin Musayev və Manaf Qədirov Klinik Tibbi Mərkəzə yerləşdiriliblər.
Bakı-Qazax avtomobil yolunun 299-cu kilometrliyində Bərdə rayon sakini Rəfael Həsənovun idarə etdiyi “Toyota” markalı minik avtomobil yoldan çıxaraq aşıb. Hadisə nəticəsində sürücü R.Həsənov dünyasını dəyişib. Avtomobildə olan Bərdə rayon sakinləri Zahir İsmayılov ağır xəsarət alıb.

+  -  Çap