O, özünə qarşı sui-qəsd hazırlandığını iddia edib

Venesuela prezidenti Uqo Çaves ABŞ tərəfindən ona qarşı sui-qəsd və Venesuelada hakimiyyət çevrilişi hazırlandığını iddia edib. O, bu bəyanatı Venesuelanın milli qəhrəmanı Simon Bolivarın 227 illiyi ilə bağlı mərasimdəki çıxışı zamanı verib. Uqo Çaves bildirib ki, bu barədə məlumatları Birləşmiş Ştatlardakı etibarlı mənbədən alıb. Uqo Çaves ona ünvanlanan xəbərdarlıq məktubundan müəyyən hissələri oxuyub. Məktubda xəbərdarlıq edilir ki, Karakasdan kənarda onun həyatına sui-qəsd hazırlanır. Bundan başqa, Uqo Çavesə məlumat verən mənbə bildirib ki, Venesuelaya qarşı təcavüz cəhdi ola bilər. Hücumda ABŞ qoşunları da iştirak etməlidir: “Bilirəm ki, barəmdə ölüm hökmü çıxarılıb. Lakin mən şantaj və təhdidlərə boyun əyməyəcəyəm”. Uqo Çaves Venesuela xalqını ondan nümunə götürməyə çağırıb.

+  -  Çap