Suriya da qadağalara keçdi

Fransa başda olmaqla, Avropa ölkələrində qadınların ictimai yerlərdə çadrada gəzməsinə qadağa qoyulması məsələsi gündəmdə olduğu bir vaxtda Suriyadan da gözlənilməz xəbər gəlib. Əhalisinin 97 faizi müsəlman olan Suriya qız tələbələrin universitetlərə çadra və buna oxşar geyimlərdə gəlməsinə qadağa qoyub. Qadağa dövlət universitetləri ilə bərabər, özəl məktəbləri də əhatə edir. Universitetlərə artıq məsələ ilə bağlı təlimatlar göndərilib. Suriyanın Təhsil Nazirliyinin təmsilçisi deyib ki, bu, ölkənin dünyəvi mahiyyətini müdafiə etmək üçündür. Suriyanın təhsil naziri Ghiath Barakat deyib ki, insanın üzünü qapayan və tanınmaz hala gətirən çadra akademik və etik dəyərlərlə uzlaşmır. O, bu səbəbdən universitetlərdə çadraya qadağa qoyulduğunu vurğulayıb. Keçən ay Suriya hökuməti niqab geyən yüzlərlə orta məktəb müəllimini dərslərdən kənarlaşdırıb – onları inzibati vəzifələrə keçirib.

+  -  Çap