Onlardan beşinin meyiti sudan çıxarılıb

İstidən canını qurtarmaq üçün suya üz tutanların bəzisi həyatını itirir. DİN-in mətbuat xidmətindən «Kaspi»yə verilən məlumata görə, Qaradağ rayonunun Sahil qəsəbə sakini Rəhman Rəhmanlı Sahil çimərliyində çimərkən boğulubb. R.Rəhmanlının meyiti sudan çıxarılıb. Sumqayıt şəhər sakini Nicat Səmədov da dənizdə çimərkən suda boğulub. Onun da meyiti sudan çıxarılıb.
Ağcabədi rayonunun Xocavənd kəndi ərzisində isə Salmanbəyli kənd sakini Ramil Bayramov "Qarabağ" kanalında çimərkən suda boğulub.
Qazax rayonunun Daş Salahlı kənd sakini Rəhim İsgəndərov həyətlərindəki su quyusuna yıxılaraq ölüb. R.İsgəndərovun meyiti quyudan çıxarılıb. Nabran qəsəbəsindəki çimərlikdə suda boğulmuş Xaçmaz rayon sakini Rəşad Məmmədovun meyiti sudan çıxarılıb.
Xaçmaz rayonunun Müqtədir qəsəbəsində Xudat şəhər sakini Zəkəriyyə Hacıyev dənizdə çimərkən suda boğulub. Z.Hacıyevin meyiti sudan çıxarılıb.

+  -  Çap