Hadisələrin əksəriyyəti paytaxtda törədilib

Hüquq-mühafizə orqanları bir neçə oğurluq faktının üstünü açıb. DİN-in mətbuat xidmətindən «Kaspi»yə verilən məlumata görə, Nərimanov rayonundakı S.Vurğun küçəsində Bakı şəhər sakini Nərmin Mirəliyevaya məxsus "Toyota-Prado" markalı avtomaşından oğurluq edilib. Açıq qalan qapıdan girmək yolu ilə içərisində 65 manat pul, fotoaparat və kosmetik əşyalar olan çantanı oğurlayan isə Bakı şəhər sakini Vahid İbrahimov olub. V.İbrahimov Nərimanov RPİ 16-cı PB əməkdaşları tərəfindən saxlanılıb.  Bakı BPİ-nin Cinayət-Axtarış İdarəsi əməkdaşları tərəfindən, oğurluq etdiyinə görə tutulan Ramin Sultanovun ətrafında aparılan əməliyyat tədbirləri nəticəsində əlavə cinayət faktları üzə çıxıb. Onun Bakı şəhər sakinləri Vüsal Allahverdiyevin və Namiq Ələsgərovun mənzillərindən də oğurluq etməsi müəyyən edilib.
Binəqədi RPİ 7-ci PB əməkdaşlarının həyata keçirdikləri əməliyyat-axtarış tədbirləri nəticəsində, oğurluq etdiyinə görə tutulan Zəkarət Məmmədovun ətrafında aparılan əməliyyat tədbirləri nəticəsində onun iyunun 22-də Bakı şəhər sakini  N.Əliyevanın da evindən oğurluq etməsi müəyyən edilib.
Binəqədi RPİ 7-ci PB əməkdaşlarının həyata keçirdikləri əməliyyat-axtarış tədbirləri nəticəsində yanvarın 10-da N.Əliyevin evindən oğurluq etməkdə şübhəli bilinən Bakı şəhər sakini Qalib Bayramov tutulub. 
Sabunçu RPİ 12-ci PB əməkdaşları tərəfindən oğurluq etdiyinə görə tutulmuş Ələddin Abdullayevin ətrafında aparılan əməliyyat tədbirləri nəticəsində onun, iyul aynın 6-a keçən gecə Sabunçu qəsəbə sakini Kamil Əmrahovun həyətindən qaynaq aparatını oğurlaması müəyyən edilib.
Astara RPŞ əməkdaşlarının həyata keçirdikləri əməliyyat-axtarış tədbirləri nəticəsində iyulun 12-də rayon sakini O.Həsənovanın evindən oğurluq etməkdə şübhəli bilinən Astara rayon sakini Kamran Cəfərov saxlanılıb. Törədilən hər bir oğurluq faktı ilə bağlı araşdırmalar davam etdirilir. 

+  -  Çap