Hillari Klinton Ermənistan hakimiyyətini ölkədəki siyasi məhbusları azad etməyə çağırıb

ABŞ-ın dövlət katibi Hillari Klinton Ermənistan hakimiyyətini 13 siyasi məhbusla bağlı məsələnin çözülməsini tələb edib. Klinton bu tələbini bir neçə gün əvvəl Yerevana səfəri zamanı səsləndirib. «Aykakan Jamanak» qəzetinin ABŞ-ın Ermənistandakı səfirliyinə bununla bağlı ünvanladığı suala cavab belə olub: «Hillari Klintonun Ermənistan rəsmilərilə görüşlərində bir sıra məsələlər müzakirə edilib. Onların arasında demokratiya və institut islahatları da var. Bu kontekstdə dövlət katibi 2008-ci ilin martında keçirilmiş aksiya zamanı həbs olunmuş şəxslərlə bağlı da müzakirə aparıb. O, Ermənistan rəsmilərinə hələ də həbsdə qalan 13 nəfərin məsələsinin tezliklə həll edilməli olduğunu bildirib və ABŞ rəhbərliyinin bu mövqeyini həmsöhbətlərinin nəzərinə çatdırıb».


Kamran

+  -  Çap