ATƏT-in fəaliyyətdə olan sədri, Qazaxıstanın dövlət katibi və xarici işlər naziri Kanat Saudabayev Dağlıq Qarabağ münaqişəsi zonasında təmas xəttində iyunun 18-dən 19-na keçən gecə ölümlə nəticələnmiş insidentlə bağlı öz ciddi narahatlığını ifadə edib və gələcəkdə buna bənzər hadisələrin qarşısını almaq üçün tərəfləri müəyyən ölçülər götürməyə çağırıb.

ATƏT-in rəsmi internet saytının verdiyi məlumata görə, Saudabayev bildirib ki, Dağlıq Qarabağ münaqişəsinin sülh yolu həll ilə bağlı danışıqları davam etdirməkdən başqa nativ yoxdur: “Gələcəkdə buna bənzər hadisələrin qarşısını almaq üçün daha təsirli addımlar atmaq lazımdır. Mən Minsk Qrupu çərçivəsində danışıqların konstruktiv dialoq səviyyəsinə çatdırılması istiqamətində göstərilən səylərə qeyri-şərhsiz dəstək verirəm. Mən öz şəxsi nümayəndəmi, səfir Anjey Kasprşiki həlli uzadılmış münaqişənin sülh yolu ilə həll olunması yollarını tapmaq üçün Minsk Qrupu həmsədrləri ilə yaxından işləmək üçün təlimatlandırmışam”.
Qeyd edək ki, Ermənistan və Azərbaycan Müdafiə nazirliklərinin yaydığı məlumata görə, təmas xəttinin şimal hissəsində iyunun 18-dən 19-na keçən gecə hər iki tərəfdən itkilərlə nəticələnmiş silahlı insident baş verib.

+  -  Çap