Hazırda Almaniyada olan təmsilçimiz daha sonra Niderland, Yunanıstan, İsveçrə, Belçika, Polşa və Rusiyaya səfər edəcək

Bu ay Norveçin paytaxtı Osloda keçiriləcək “Eurovision-2010” mahnı müsabiqəsində Azərbaycanı təmsil edəcək Səfurə Əlizadə Almaniyaya səfər edib. APA-nın məlumatına görə, bu səfər Səfurə Əlizadənin və onun ifa edəcəyi “Drip ” mahnısının tanıdılması məqsədilə həyata keçirilib. Artıq iki gündür ki, bu ölkədə səfərdə olan təmsilçimiz, Almaniyanın Münhen, Köln, Berlin və Hamburq şəhərlərində promo-aksiyalar həyata keçirib, canlı verilişlərdə qonaq olub. S. Əlizadə bildirib ki, bu həyat onu heç də yormur və o, “Eurovision-2010” müsabiqəsi uğurla başa çatdıqdan sonra istirahət edəcək: “Mən artıq qatarlarda yatmağa öyrəşmişəm. Bu heç də məni sıxmır və yorğun deyirəm». Təmsilçinizi sözlərinə görə, o, 55-ci “Eurovision” müsabiqəsi başlayana qədər promo-turlarda olacaq. S. Əlizadə sıx proqrama baxmayaraq vokal məşqlərə, ingilis dilinin dərslərinə davam etdirəcəyini qeyd edib.

+  -  Çap