Qadına qarşı quldurluq edən şəxs yaxalanıb

Respublikanın daxili işlər orqanları tərəfindən gün ərzində 27 cinayət faktı qeydə alınıb. Daxili İşlər Nazirliyinin (DİN) mətbuat xidmətindən «Kaspi»yə verilən məlumata görə, qeydə alınan cinayətlərin  12-i “isti izlər”lə açılıb.  Həmçinin ötən günlərdən bağlı qalan 1 cinayətin üstünü açmaq mümkün olub.  Cinayət Məcəlləsinin müxtəlif maddələri ilə axtarılan 5 nəfər tutularaq istintaq orqanlarına təhvil verilib.  Respublikanın avtomobil yollarında 2 yol-nəqliyyat hadisəsi baş verib ki, nəticədə 4 nəfər yaralanıb. Gün ərzində 1 yanğın hadisəsi qeydə alınıb.  Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6 fakt müəyyən edilib.  Cinayət törətdiklərinə görə 15 nəfər saxlanılıb.  Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində quldurluq faktının üstü açılıb. Saxlanılan  Sumqayıt şəhər sakini Vüqar Almuradovdur. Əvvəllər də məhkumluq həyatı yaşayan V.Almuradov həmyerlisi Ülviyyə Əsədovanı deşici alətlə hədələyərək içərisində mobil telefon və 170 manat pul olan çantasını ondan almaqda şübhəli bilinir. Faktla bağlı araşdırmalar davam etdirilir.

+  -  Çap