Ruhi Mehdiyev 11 il müddətinə azadlıqdan məhrum edilib

Aprelin 23-də Ağır Cinayətlərə Dair İşlər üzrə Məhkəmədə hakim Rasim Sadıxovun sədrliyi ilə arvadını qətlə yetirən şəxsin məhkəməsi başa çatıb. Məhkəmə qarşısında Quba rayon sakini 1982-ci il təvəllüdlü Ruhi Mehdiyev cavab verib. Təqsirləndirilən şəxs Cinayət Məcəlləsinin 120.1-ci (qəsdən adam öldürmə) maddəsi ilə ittiham olunub. İttiham görə, hadisə 2009-cu il oktyabrın 17-də Qubanın Şuduq kəndi ərazisində qeydə alınıb.  Rayonun Aşağı Atuc kənd sakini R.Mehdiyev 1985-ci il təvəllüdlü Elnarə Əlipaşayevanı öz bacısının toyunda qətlə yetirib. Daha sonra hadisə yerindən qaçıb. Quba rayon Polis Şöbəsi əməkdaşlarının həyata keçirdiyi əməliyyat-axtarış tədbirləri nəticəsində hadisədən 12 gün sonra R.Mehdiyev Xaçmaz rayonunda tutulub. R.Mehdiyev ifadəsində həyat yoldaşını aralarında yaranmış mübahisə zəminində əli ilə boğaraq qətlə yetirdiyini bildirib. Məhkəmənin hökmü ilə R.Mehdiyev 11 il müddətinə azadlıqdan məhrum edilib.

+  -  Çap