“Eurovision-2010” mahnı müsabiqəsində Azərbaycanı təmsil edəcək Səfurə Əlizadə Ukraynaya gedib

Müğənninin internet saytı xəbər verir ki, hazırda Kiyevdə olan təmsilçi Ukraynanın M1 televiziya kanalının “Gutten Morgen” adlı səhər proqramında iştirak edib. Azərbaycan təmsilçisinin qonaq olduğu səhər proqramı Nastya və reper Potapın aparıcılığı ilə baş tutub. Proqramda S. Əlizadə müsabiqə ilə bağlı verilən suallara cavab verib və maraqlı çıxışları ilə yadda qalıb.
Səfurə Əlizadə 20 gün müddətində İsveçdə ciddi hazırlıq prosesi keçib. Təmsilçimizin mahnısı aranjeman olunub və yeni versiyada hazırlanıb. Eləcə də təmsilçi rəqs, dil və digər lazımi kurslar keçib. Hazırda isə Kiyevdə olan Səfurə Əlizadənin hələ bir müddət orada qalacağı nəzərdə tutulur. Təmsilçinin geyiminin Ukraynada hazırlanması, eləcə də son hazırlığın bu ölkədə keçirilməsi nəzərdə tutulur.

+  -  Çap