Paytaxtda mobil telefon və tikinti materialı oğurlanıb

Hüquq-mühafizə orqanları üç oğurluq faktının üstünü açıb. DİN-in mətbuat xidmətindən "Kaspi"yə verilən məlumata görə, hər üç oğurluq paytaxtda törədilib. Sabunçu RPİ 12-ci PB RPŞ əməkdaşlarının həyata keçirdikləri əməliyyat-axtarış tədbirləri nəticəsində Sabunçu qəsəbə sakinləri İmamverdi Mirzəyev və Rahib Sadıqov tutulub. Saxlanılanlar E.İsmayılova, Ə.Yaqubzadəyə, K.Həsənova və R.Kərimova məxsus mobil telefonları oğurlamaqda şübhəli bilinir. Nərimanov RPİ 18-ci PB əməkdaşlarının həyata keçirdikləri əməliyyat-axtarış tədbirləri nəticəsində Mayakovski küçəsindəki bərbərxanadan, Bakı şəhər sakini Kamran İbrahimova məxsus mobil telefonu oğurlamaqda şübhəli bilinən şəxs tutulub. Saxlanılan Keşlə qəsəbə sakini Rauf Kərimovdur.
Səbail RPİ 39-cu PB əməkdaşlarının həyata keçirdikləri əməliyyat-axtarış tədbirləri nəticəsində isə martın 14-də Bakı şəhər sakini Hicran Hacızadəyə məxsus tikinti materiallarını oğurlamaqda şübhəli bilinən Bakı şəhər sakini Eldar Nəcəfov tutulub.

+  -  Çap