Mobil telefonlar başda olmaqla, elektron cihazlardan yayılan dalğalar bədəndə stress və yorğunluğa səbəb olur.
“haberturk.com”un verdiyi məlumata görə, hər axşam duş almaq isə bütün bədəni elektrik yükündən qurtararaq, insanı stress və yorğunluqdan təmizləyə bilir.
Dicle Universitetinin tibb fakültəsinin müəllimi professor-doktor Süleyman Daşdağın sözlərinə görə, bütün elektrik alətləri, yüksək gərginlikli xətlər, televizorlar, cib telefonları və kompyuter kimi cihazların elektromaqnit dalğalar yayır. Stressə səbəb olan elektromaqnit çirkliliyin ən böyük mənfiliklərindən biri insanları tənbəlliyə sürükləməsidir: “Texnologiyadan istifadə edənlər, bəzi tədbirlərlə elektromaqnit çirklənməsindən qaynaqlanan və zərərli olduğu iddia edilən təsirləri azalda bilər. Bunun üçün sağlamlıq və qidalanmaya diqqət yetirməklə yanaşı elektrik alətləri nəzarətli şəkildə istifadə etmək lazımdır. Gündəlik həyatda immuniteti gücləndirən qidalara olduqca çox yer verin. Saçınızı fen əvəzinə təbii olaraq qurudaraq, mobil telefonun yerinə kabel telefonu istifadə edərək evinizdəki elektromaqnit çirkliliyini azalda bilərsiniz”.
Gün ərzində məruz qalınan elektromaqnit dalğaların stress və yorğunluğa səbəb olduğunu deyən Daşdağ bildirib ki, yalın ayağı torpağa basmaqla və ya hər hansı bir metala toxunmaqla bu elektrik yükünü atmaq olar:
“Hər axşam duş qəbul etmək həm bütün bədəni elektrik yükündən qurtararaq stressdən təmizləyər, həm də sağlam, rahat bir gecə keçirmənizi təmin edər. Xüsusilə elektromaqnit çirkliliyin yüksək olduğu sahələrdə yaşayanlar, axşamları duş alaraq bədəndə yığılan elektrik yüklərindən təmizlənməlidir. Beləcə, elektromaqnit çirklilikdən qaynaqlanan stress və yorğunluq da xaric edilə bilər. Gün ərzində bunu edəcək vaxtı tapa bilmirsinizsə, əlinizi tez-tez yumanız da bədəninizdəki elektrik yükünü götürər”.

+  -  Çap