Məşhur teleaparıcı Nərciz Cəlilova teleməkanda yayımlanan verilişlərlə müqayisədə aparıcısı olduğu “Pəncərə” verilişini fərqli sayır.
Bu barədə aparıcı Lent.az-a açıqlama verib: “Bu günə qədər aparıcısı olduğum heç bir veriliş mənə uzaq olmayıb, ümumiyyətlə bu günə qədər ürəyimcə olmayan heç nə etməmişəm”. Teleaparıcı bu fərqliliyin səbəbini qonaqları ilə əlaqələndirib: “Mənim verilişimin digər proqramlardan fərqi onun tamaşaçıya intellektual dünya görüşü, təəssürat bağışlamasıdır. Çünki qonaqlarım çox fərqli insanlardır, onlarla 6 aydan bir görüşsəm, hər dəfə də yeni nə isə tapmış olacam. Onların daxili aləmi o qədər zəngindir ki, hər görüş, hər söhbət bir fərqliliyi aşkar edir. Bu insanlarla görüş maariflənmək üçün fürsətdir”.


Lalə Yusifqızı

+  -  Çap