Saxlanılanlardan ikisi mobil telefon oğurluğunda şübhəli bilinir

Hüquq-mühafizə orqanlarının keçirdikləri əməliyyat-axtarış tədbirləri nəticəsində bir neçə oğurluq faktının üstü açılıb. DİN-in mətbuat xidmətindən "Kaspi"yə verilən məlumata görə, Sabunçu RPİ 15-ci PB əməkdaşlarının həyata keçirdikləri əməliyyat-axtarış tədbirləri nəticəsində Günəş Aslanov və Gülafət Sarıyevanın evlərindən oğurluq etməkdə şübhəli bilinən şəxs tutulub. Saxlanılan Maştağa qəsəbə sakini Rüfət Əliyevdir. R.Əliyevin evinə baxış zamanı 454,52 qram narkotitk vasitə olan marixuana da aşkar edilərək götürülüb.
Nəsimi RPİ 21-ci PB əməkdaşlarının həyata keçirdikləri əməliyyat-axtarış tədbirləri nəticəsində, 2009-cu ilin dekabr ayında Sevinc Qarayevaya məxsus mobil telefonu oğurlamaqda şübhəli bilinən Ağdam rayon sakini Rəşad İsmayılov tutulub. R.İsmayılov əvvəllər də məhkumluq həyatı yaşayıb. Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində mobil telefon oğrusu yaxalanıb. Saxlanılan Bakı şəhər sakini əvvəllər məhkum olunan Həsrət Əzizovdir. H.Əzizov Bakı şəhər sakini Rəcəb Novruzova məxsus mağazadan 1 ədəd mobil telefon oğurlamaqda şübhəli bilinir.
Ağcabədi RPŞ əməkdaşlarının həyata keçirdikləri əməliyyat-axtarış tədbirləri nəticəsində isə Natiqə Hüseynovaya məxsus mağazadan oğurluq etməkdə şübhəli bilinən şəxs tutulub. Saxlanılan Vüqar Şəkərov əvvəllər də məhkumluq həyatı yaşayıb.
İmişli RPŞ əməkdaşlarının həyata keçirdikləri əməliyyat-axtarış tədbirləri nəticəsində A.Muradovun evindən oğurluq etməkdə şübhəli bilinən Rəsullu kənd sakini Tapdıq Nəsirov tutulub. Hər bir oğurluq faktı ilə bağlı müvafiq araşdırmalar aparılır.

+  -  Çap