İş üzrə məhkəmənin hazırlıq iclası aprelın 1-də keçiriləcək

Bir sıra sifarişli qətllər törədən dəstə üzvlərinin məhkəməsinin vaxtı müəyyənləşib. On iki nəfərlik dəstə üzvlərinin cinayət işi üzrə məhkəmə prosesi Ağır Cinayətlərə Dair İşlər üzrə Məhkəmənin hakimi Kəramət Əliyevin sədrliyi ilə keçiriləcək. İş üzrə məhkəmənin hazırlıq iclası aprelin 1-də keçiriləcək. Məhkəmə qarşısında Şöhrət Quliyev, Mehman Qəhrəmanov, İlham Şabanov, Anar Həsənov, Səxavət Xudiyev, Xəzər Kazımov, Məharət İsmayılov, Rabit Abdinov, Elim Şahmuradov, Bilal Verdiyev, Nuru Atayev və İlahibə Ələsgərov cavab verəcək. Təqsirləndirilən şəxslərə qarşı Cinayət Məcəlləsinin 120-ci (qəsdən adam öldürmə), 217-ci (banditizm) və 228-ci (qanunsuz olaraq odlu silah, sursat əldə etmə və saxlama) və digər maddələri ilə ittiham irəli sürülüb.

+  -  Çap