Şakir Qəribov da komandadan ayrılıb

Bakının "Neftçi" klubunda növbəti məşqçi istefası baş verib. Klubun Mətbuat və İctimaiyyətlə Əlaqələr Departamentindən apasport.az saytına verilən məlumata görə, məşqçilər korpusuna daxil olan Şakir Qəribov öz xahişi ilə komandadan ayrılıb. Rəhbərlik 54 yaşlı çalışdırıcının istefasını qəbul edib və ona gələcək işlərində uğurlar arzulayıb. Qeyd edək ki, Qəribov ötən ilin payızında baş məşqçi təyin olunan Vaqif Sadıqovun dəvəti ilə "Neftçi"yə gəlmişdi. Artıq "Neftçi"nin baş məşqçisi Arif Əsədov Şakir Qəribovu əvəzləyəcək şəxsi müəyyənləşdirib. Bu haqda Lent.az-a A.Əsədovun özü məlumat verib. Onun sözlərinə görə, əsas köməkçi-məşqçi vəzifəsini Bəxtiyar Musayev yerinə yetirəcək. B.Musayev bunadək klubda seleksiyaçı-məşqçi kimi çalışırdı. Baş məşqçi komandada fiziki hazırlıq üzrə məşqçi Covanni Melkiorre və qapıçılarla işləyən məşqçi Neboyşa Manoyloviçin də işlədiyini xatırladıb.

+  -  Çap