İsveçrənin Fribur şəhərində Beynəlxalq “24th Fribourq İnternational Film Festival” kinofestivalı keçiriləcək. Ölkəmiz festivalda  “İmper Qrup” Prodüser Mərkəzində istehsal olunan “Bir addım” qısametrajlı bədii filmi ilə təmsil olunacaq. Prodüser Mərkəzindən verilən məlumata görə, 2009-cu ildə lentə alınan  film Mədəniyyət və Turizm Nazirliyinin “Bu meydan, bu ekran-2008” müsabiqəsinin qalib kinolayihəsidir. Ekran əsərinin rejissorları Nərgiz Bağırzadə və Fariz Əhmədov, ssenari müəllifləri Alina Abdullayeva və Nərgiz Bağırzadə, quruluşçu operatoru Tanrıverdi Tanrıverdiyev, quruluşçu rəssamı Şahin Həsənli, bəstəkarı Rauf Əliyev, prodüserləri Rəşad Qasımov və Fariz Əhmədovd, bədii rəhbəri Əməkdar incəsənət xadimi Cəmil Quliyevdir. Baş rollarda Gülzar Qurbanova, Pərviz Məmmədrzayev və Nərminə Kərimova çəkilib. Festival martın 13-dən 20-dək davam edəcək.

Təranə

+  -  Çap