Ağ ev İran, Sudan və Kubaya qarşı iqtisadi sanksiya rejiminin yumşaldılması barədə qanun layihəsi hazırlayıb

Amerika Birləşmiş Ştatları hökuməti gözlənilməz addım atıb. BBC-nin yaydığı məlumata görə, ABŞ administrasiyası İran, Sudan və Kubaya qarşı iqtisadi sanksiya rejiminin yumşaldılması barədə qanun layihəsi hazırlayıb. Yeni qaydalara görə, bu ölkələrə internet və informasiya kommunikasiya texnologiyalarının ixracına icazə veriləcək. Bunun sayəsində bu ölkələrin sakinləri bir-biri və ətraf dünya ilə daha sərbəst şəkildə əlaqə saxlaya biləcəklər. Bu addım ABŞ-da nüvə proqramına görə İrana qarşı iqtisadi sanksiyaların gücləndirilməsi ilə bağlı çıxışların artdığı bir vaxta təsadüf etdiyindən gözlənilməz olub. ABŞ administrasiyasının bu addımı Konqresin dəstəyindən sonra həyata keçiriləcək.

+  -  Çap