Hadisələr əsasən mənzillərdə törədilib

Hüquq-mühafizə orqanları bir neçə oğurluq faktının üstünü açıb. DİN-in mətbuat xidmətindən "Kaspi"yə verilən məlumata görə, dekabırın 15-də "Anar" şadlıq evində, Bakı şəhər sakini Tumas Əliyevə məxsus mobil telefon oğurlanıb. Binəqədi RPİ 7-ci PB əməkdaşlarının həyata keçirdikləri əməliyyat-axtarış tədbirdəri nəticəsində oğurluğu törətməkdə şübhəli bilinən Bakı şəhər sakini Rəhim Abdullayev tutulub.
Cari il fevral ayının 12-dən mart ayının 2-dək olan müddət ərzində İmişli rayon sakini Rafiq Məmmədovun evindən 1 ədəd maqnitofon, 2 ədəd qaz balonu və məişət əşyaları oğurlanıb. İmişli RPŞ əməkdaşlarının həyata keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Rəsullu kənd sakini Tapdıq Nəsirov tutulub. Kəpəz RPŞ əməkdaşlarının həyata keçirdikləri əməliyyat-axtarış tədbirləri nəticəsində isə fevralın 26-dan 28-dək olan müddətdə Gəncə şəhər sakini Əfqan Əliyevin mənzilindən qıfılı sındırmaq yolu ilə oğurluq edən şəxs tutulub. Evdə olan qızıl əşyaları oğurlamaqda şübhəli bilinən Gəncə şəhər sakini Arzu Əhmədovdur.
Tovuz RPŞ əməkdaşlarının həyata keçirdikləri əməliyyat-axtarış tədbirləri nəticəsində fevralın 22-də G.Quliyevanın evindən oğurluq etməkdə şübhəli bilinən Əlimərdanlı kənd sakinləri Nəzir İsmayılov və Yaşar Əmrahov saxlanılıb. Hər dörd faktla bağlı araşdırmalar aparılır.

+  -  Çap